Предыдущая публикация
Йылдар ҡатын - ҡыҙҙы тик матурлай,
Сабырлыҡтар өҫтәп йөҙөндә.
Ул тормошто байрам итеп күрмәй,
Байрам алып йөрөй үҙендә.
Йылдар үтеү менән ул яҡтыраҡ,
Күңелдәге изге нурҙарҙан.
Ер йөҙөндә һәр бер тереклеккә
Бәхет - шатлыҡ ҡына юрауҙан.
Йылдар үтеү менән ул көслөрәк,
Ҡурсап ҡала беҙҙе бәләнән.
Бары ҡатын - ҡыҙҙың төрлө телдә
Яңғыраған доғалары менән
Ер шары бит һаман әйләнә!
Сәкинә Тотманова.
Следующая публикация
Нет комментариев