Минем дусларым

Гульсиня Шакирова Сания . Хикәя .Дәвамы . Булат үзе монда килгәндә бик кыю сыман чыгып киткән иде дә әниләре яныннан ,тик монда әллә ничек кенә кыюлыгы бетте дә китте .Әллә юлдан соң ятып торуына үкенү хисе тойдымы шунда ,кыюсыз бер малай кебек хис итте ул үзен .Сәлимә белән дә әллә ничек кенә ,салкын булды сыман сүз башлавы .Ярар диде ул күңеленнән ,ни булса шул инде хәзер ,килгәнсең икән дилбегәңне нык тот ,сүзеңне уйлап әйт ,бала чага уены уйнап утырма диде бит әтисе дә озатып җибәргән чагында . Менә алар ишек алдында икесе генә , Булатның шушы берничә минут эчендә булган кыюсызлыгы ,әтисе сүзләре исенә төшү белән ,каядыр юкка чыкты .Битләрен - кулларын юып алганнан соң ,үзенә сөртенергә бирергә тотып торган сөлгесе белән үк ул сөйгәнен кочаклап алды да ,көрәшергә җыенган мәйдан батыры кебек күтәреп битләреннән үбеп алды . Сәлимә үзе дә гел сагынып ,юксынып яшәде бит аны ,Сочида Кара диңгездән ялдан кайтып китеп шуннан алар аерылганнан бирле ,шуңа ул инде карышып та тормады. Булат аны җиргә бастырды да ,мин синсез яши алмыйм , мин сине алырга килдем диде. Алар шулай бер - берсенә карашып күпме торган булырлар иде икән ,Сәлимәнең әнисе болдыр баскычына чыгып ,аларны ашарга дәште . Өстәл артында да сүз сөреше тик алар турында булды .Менә алар ашап кубарга өлгермә - деләр урамнан Сәлимәнең ике энесе кайтып керделәр һәм үзләрендә чит кеше булуын күргәч итагәтьле генә күрешеп өстәл артына утырдылар . Тиздән әтиегез дә кайтып җитәр балакайларым ,карал- тыдагы эшләрне караштыр - дыгызмы соң әле диеп сорады әниләре малайлардан , ә малайлар әйе диеп баш как - тылар да ,көтү каршыларга урамга чыгып киттеләр .Алар чыгып киткәч ,Сәлимә өстәл - ләрне җыештырып ,савыт - сабаларны юып куйды да , түр өйгә, Булат янына кереп сөйләшергә утырды .Булат аңа үзенең уйларының төптән уйланган һәм әти - әнисе дә бу фикерен хуплаганын әйтте. Әле беркайда да эшли башламаган ,кулында кызыл дипломы булган кызга ,Казан - га яки Буага кайтып урнашу бернинди дә каршылык тудырырга тиеш түгел кебек тә үзе ,ә менә нинди җиргә эләгәсең бит ,нинди коллек- тивка .Ә монда сөйгәне үзенең янына чакыра бит .Әтисе кайт - кач барысын да уртага салып сөйләшерләр дә ,тәвәкәлләп чыгып китәргә һәм эшкә урнашып ,эшли башларга кирәк дип фикер йөртте Сәлимә ,үзе күберәк Булатны тыңлады .Каршы булмас әтисе дә үзенең яраткан кызына алла боерса. Уллары Башкорт ягына чыгып киткәч Саниягә әллә ничек ямансу булып китте ,ул Хәлиме янына килеп утырды да ...и әтисе ,кай ара үсеп җитте соң әле бу малай ,әле генә алып кайткан кебек идек бит диде. Менә быел соңгы елы ,аннан диплом якласы һәм үзе кебек тагын бер табиб, авыруларның саулыгы өчен көрәшә башлар алла боерса диеп ,иренең куенына ныграк сыенды. Эштән арып кайтуына да кара - мастан аларның яткач та күзләренә йокы кермәде . Шулай күпме сөйләшеп яткан - нардыр ,төн урталары узгач кына йокыга талдылар алар. Иртән уянганда йокламаган да кебек диде Сания ,ярый әле ял көннәре икесенең дә ,бераз бер - берсенә карашып иркә - ләнеп яттылар да ,болай ятып булмас эшләрне карарга кирәк диеп башта Сания торып китте. Ул торып ,юынып ,чәйләр куеп өстәл корыштырганнан соң гына ,иренә барып дәште . Хәлим дә шуны гына көткән кебек ,сөйгәнен кабат кочагына алды .Сания яшь җилкенчәк кебек ,нишләвең инде бу җаным диеп сөйгәне - нең кочагына ныграк сыенды . Алар бер - берләренең назыннан ,балавыз кояшта эрегән кебек эределәр . Өстәлдәге әзерләнгән җылы ризыклар да ,кайнар чәйләр дә суынып бетте . Дәвамы бар. Гөлсинә Шакирова.

Гульсиня Шакирова Сания . Хикәя .Дәвамы . Авыл авыл инде ул ,кала түгел .Менә көтүләр дә кайтты ,Сәлимәнең әтисе дә эштән кайтты ,әнисе белән бергәләп абзар - курада эшләрен бетереп ,әнисе сыер савып өйгә кергәндә ,инде Сәлимәнең ике энесе дә Булат абыйларын үз итеп ,аның янында бөтереләләр иде . Сәлимә әниләре керергә өстәл хәстәрләп ,токмач басып аш пешерде ,төйгән бәрәңге янына тәмле итеп гуляш та ясады.Менә барысы бергә өстәл артына утырыштылар . Башкортларда ипине хатын кызлар түгел ,ә ирләр күкрәкләренә терәп кисеп өстәлгә куялар икән дигәнне ишеткәне бар иде Булатның бу чынлап та шулай икәненә бүген үзе күреп инанды . Барысы да өстәл артына утырышып беткәч ,өй хуҗасы түгәрәк ипине күкрәгенә терәп шулкадәр горурлык белән кисте ,Булатның әле мондый күренешне беренче күрүе иде. Ул уртага куелган челтәрле тәлинкәгә ,бер - бер артлы тигез матур итеп киселгән ипи телемнәрен өя барды .Ул кирәк кадәрле ипине кисеп куйганнан соң гына ,барысы бергә инде алларына куелган ашларына үрелделәр .Инде өстәл артында тик тәлинкәгә чык та чык кашык тигән тавышлар гына ишетелә башлады .Аш артыннан , төелгән бәрәңге белән гуляш та сыпырып куйганнан соң ,инде малайлар табыннан китеп бардылар ,әниләре чәй эчәргә дисә дә ,әлегә эчмибез диеп урамга йөгерделәр . Менә хәзер сөйләшсәк тә була диде әниләре Булатка карап. Булат нәрсәдән башларга соң инде диеп торганда әниләре үзе сүз башлады .Менә әтисе Сочидан ялдан кайткач әйткән идем бит үзеңә ,кызыбызга бер егет гашыйк булды диеп. Менә инде шул егет Булат бу. Кызыбызны Татарстанга Казан шәһәренә эшкә чакыра һәм эшкә урнашырга да булышыр Алла боерса диде .Монда авыл җирендә нишли инде ул ,укып чыккач үз белемен эш белән күрсәтер вакыт җитте диде . Әтисе, син каршы түгелсеңдер инде .Юк - бар гына кешеләр түгел бу гаилә ,әти - әниләре белән дә аралаштык .Алар да медицинада ,әтисе Ашыгыч ярдәм машинасын йөртүче ,ә әнисе Буа шәһәренең үзәк хастаханәсендә баш табибә . Бер сүз дә дәшмиенчә тын гына тыңлап утырды әти кеше һәм җайлап кына Булаттан сорап куйды .Ә син үзең ни уйлыйсың соң бу турыда ? Хәлимә апаң сөйли дә сөйли, ә синең ләм - мим бер келимә сүз дәшкәнең юк . Булат ни әйтим инде мин дигәндәй Сәлимәгә карады , янәсе син ни диярсең .Мин яратам сезнең кызыгызны диде аннары ишетелер - ишетелмәс тавыш белән. Кая китте соң аның кыюлыгы , әле генә барысын да әйтәм дә салам диеп утыра иде бит ,ә хәзер авызында ботка кайнатып сүзен дәшәлми утыра .Сәлимә сүзгә кушылмаса белмим күпме утырыр иде әле шулай .Сәлимә әтисенә карап , әти ,без бер - беребезне яратабыз ,син рөхсәт итсәң мин Булат белән Казанга китәр идем диде .Әтисе бер кызына бер Булатка ,бер хатынына карап торды да ,кичтәнге акыл иртәнгә ярамаска да мөмкин , бүгенгә бу сөйләшүне куеп торыйк диде дә өстәл артыннан рәхмәтен әйтеп кубып та китте .Ул торып киткәч Булат та урыныннан кузгалды һәм ишек алдына чыгып китте .Урамда чыр - чу килеп башкортча сөйләшеп уйнаган малайларга карап тора башлады .Озак та тормый Сәлимә дә чыкты ,ул Булатка авылны күрсәтәм диеп урам буйлап алып китте .Алар чишмә буйларын карап кире кайтканда инде вакыт соң иде. Алар әкерен генә кереп ,чәй эчеп алганнан соң ,Булат үзенә җәеп куелган урынга барып ятты ,тик аның күзенә йокы кермәде ,иртәгә ни әйтер икән Сәлимәнең әтисе .Әнисе риза инде ризасын ,тик бит әле йортта әти кеше хуҗа ,ул ни дияр ...шундый буталчык уйлар белән ничек йоклап киткәндер иртән инде тәрәзәдән күзне чагылдырган кояшка уянды ул. Инде өйдә Сәлимә дә ,әтисе белән әнисе дә торганнар ,ә каршы якта стена буендагы агач караватта ике энесе генә йоклап ята иде . Булат торып ишек алдына чыкты ,иртәнге һава салкынча булса да рәхәт иде .Булат кеше юклыктан файдаланып тиз - тиз физзарядка ясап алганнан соң юынгычтагы салкын су белән битләрен юып алды да өйгә керде .Әле иртәнге чәй өстәле әзерләп кенә йөриләр иде аны өстәлгә дәштеләр һәм кичәнге сөйләшүне дәвам итеп Сәлимәнең Казанга китүенә риза икәнлекләрен әйттеләр . Булат аларга алайса без вакытны сузмыйбыз ,бүген үк юлга кузгалырбыз диде . Һәм алар юлга әзерләнә дә башладылар .Сәлимә барлык кирәк - яракларын җыйнады , укып чыккан дипломын һәм барлык документларын тагын бер кабат барлап чыкты .Юлга чыгарга бар әйберсе дә әзер булгач әтисе белән әнисенә рәхмәт әйтеп ,энеләре белән дә саубуллашып юлга кузгалдылар . Дәвамы бар . Гөлсинә Шакирова

мментарий... Гульсиня Шакирова Сания . Хикәя .Дәвамы . Булат белән Сәлимә Өфенең тимер юл вокзалына килеп , Өфе - Казан поездына билет алып, юлга кузгалдылар . Булатның да Сәлимәнең дә куанычлары эчләренә сыймады ,тик шулай да Сәлимәнең эчендә ниндидер аңлашылмаган пошаман да бар иде .Ул үз - үзенә ,инде әллә ничә кабат биргән соравына кабат җавап эзләде. Дөрес эшләдеме соң ул , үзен әз генә белгән егеткә ияреп Казан дигән калага ияреп китеп .Егет кеше ни әйтмәс тә, кая чакырмас ?Их бу мәхаббәт дигән нәрсә ...утка да пешерә , суга да төшерә икән бит .Әле аның шушы яшенә җитеп, болай итеп бер егеткә дә гашыйк булганы булмады бит. Ә менә Булатны бер күрүдә ошатты һәм гашыйк булды . Ул буй сыны дисеңме ,йөз - кыяфәтеме , кап - кара куе чәчләре нәфис итеп кыска гына калдырып алдыруы белән үк егет солтаны инде . Булат та бит үзен бер күрүдә гашыйк булдым диде .Алар шул очырашудан соң Сочидагы ялларын да гел бергә уздырдылар ,ә инде кайтып киткәндә Булат аларны тукталыштан озатып калганда ярты йөрәген алып калгандай тоелган иде .Килеп алам мин сине дигән иде ул аңа ,менә бит сүзендә торган килеп тә алды ,алар кабат бергә .Тик алга таба ни булыр ,вакыт күрсәтер диеп үз - үзен юатты Сәлимә . Булатның да уйлары гел Сәлимә тирәсендә бөтерелде . Нишләрләр икән инде ? Сәлимә Казанга китәрме эшләргә ,әллә әнисе киңәш иткәндәй ,беренче эшли башлау чорын ,тәҗрибә сыман Буада гына урнашып эшләп торырмы ? Ул аңа бу турыда да сүз кузгатып карады инде ,тик бернинди дә җавап кына ала алмады .Я ярар диеп уйлады Булат үзенчә ,әти - әни янына кайтып карыйк әле ,алар белән уртага салып сөйләшербез Алла боерса ,әнисе әйтмешли кала дигәчтен дә анда да өеп куймаганнар ,барысын да үз көчең ,үз тырышлыгың белән табасы . Суткадан артык поездда кайтканда аларның икесенең дә уйларлык вакытлары җитәрлек иде .Ике гашыйкның ничек сөйләшеп сүзләре бетсен соң ,эшкә урнашу турында да сөйләштеләр алар, тик Сәлимә генә нәрсә диеп нәтиҗә ясарга да белмәде әлегә.Булат Буа шәһәренең дә бик матур икәнен ,хастаханәсе дә заманча җиһазлар белән булуын әйтеп үтте .Әнисенең дә укуын бетереп шушында кайтып эшли башлап баш табибә постына кадәр күтәрелүен бәйнә - бәйнә сөйләп бирде .Вакыт күп бер берләренә карап ,шулай сөйләшеп кайта торгач Казанга да кайтып җиттеләр ,ә аннан инде Буага автобуста кайттылар .Алар кайтканда әтисе дә әнисе дә эштә иделәр. Булат Сәлимәгә үз бүлмәсенә кереп өсләрен алмаштырырга кушты ,ә үзе зал ягында калды. Юлдан килгән киемнәрен алмаштырып ,кухняда Булат чәй куеп җибәрде .Суыткычтан әнисе пешереп калдырган ашны алып газга җылытырга куйды .Сәлимә дә булышырга дип кухняга кергәч ,бергәләп өстәл әзерләделәр .Алар юлдан кайткач ,ашны бик яратып ашадылар .Юлда ашаган коры - сарыдан соң бу аш чынлап та бик тәмле иде . Өстәлләрне җыештырып , савыт - сабаны юып куйдылар. Бергәләшеп эшләгәч рәхәт тә , тиз дә .Булатны әнисе өйдә ир эше, хатын кыз эше булырга тиеш түгел ,әнә әтиең белән без ничек ,син дә шундый булып үсәргә тиеш диеп өйрәтеп үстерде .Монда да ул Сәлимә янында бик теләп булышты ,әллә йортта ул хуҗа ,ә Сәлимә әлегә кунак кына буларак ул аңа булыштымы икән ,монысын инде Булат уйлап та тормады. Менә Сания белән Хәлим дә эштән кайттылар .Алар Сәлимә белән инде таныш булганлыктан җылы итеп исәнләштеләр .Булат яңадан кухняга барып чәй куеп җибәрде ,әнисе дә өстенә халат киеп кухняга чыкты . Сәлимә дә әнисе биреп җибәргән күчтәнәчләрне Сания апасына китереп бирде һәм әти - әнисенең сәләмнәрен җиткерде .Үзе оялып кына залдагы диванга барып утырды .Кунак булсаң тыйнак бул диде ул үз - үзенә .Бу сиңа авыл түгел ,үзеңне ничек күрсәтсәң шулай кабул итәрләр барган җиреңдә диеп өйрәтеп үстерде бит дәү әнисе дә . Хәлим абыйсы телевизорны кабызып куйды да кухняга кереп ,бар улым син Сәлимә янына чык ,күңелсезләнеп утырмасын диеп Булатны кухнядан чыгарып җибәрде . Сәлимә ни булса шул диеп , кухняга керде дә Сания апа кая мин сезгә үзем булышыем , Хәлим абый барыгыз сез Булат белән телевизор карый торыгыз дип нәрсә эшлисен сорады .Үзенең ничек дулкынланганын сиздермәс өчен, су сорап эчеп куйды . Алар Сания апасы белән бергәләшеп ашарга әзерләделәр, сүз иярә сүз чыгып эш турында да сүз кузгатып алдылар .Беренче килеп кергән көннән үк алар арасында җылы мөнәсәбәт урнашты .Әйтерсең лә алар бергә - бергә инде күп еллар аралашып яшәгәннәр диярсең. Дәвамы бар. Гөлсинә Шакирова.

Гульсиня Шакирова Сания . Хикәя. Дәвамы . Сания апасы янында Сәлимә үзен бер дә ят итеп тоймады ,ул аңа үз итеп ,якын итеп яратып дәште .Ашаганнан соң алар барысы бергә утырып алга таба нинди уй - планнары барлыгын сөйләштеләр . Яшьләргә нәрсә соң аларга , эрләнгән дә чукланган диде Хәлим көлеп ,ә Сания ипләп кенә Сәлимәнең эшкә урнашу , кая урнашса яхшырак булыр дигән уйлары белән кызыксынды .Дипломын сорап алып карады ,анысын сорамаса да билгеле бит инде , Кызыл Дипломда гел бишле билгеләре генә торасы ,тик шулай да ул дипломны бик җентекләп карап чыкты . Хирург димәк ,бик яхшы кызым диде ул ,бераз уйланып торганнан соң .Тырышлыгың күренеп тора .Практикаңны да яхшы хастаханәдә узгансың ,ә нишләп соң әле ,нинди сәбәпләр белән укуыңны бетереп ,диплом алгач мәҗбүри эшләргә тиешле хастаханәгә барырга теләмисең ? Берәр җитди сәбәбе бармы ? Аңлатып бирә алыр идеңме аның сәбәбен диеп турыдан бирде ул Сәлимәгә соравын .Сәлимә сөйләшүнең мондый борылыш аласын көтмәгән дә һәм уйлап та карамаган иде ,ул хастаханә Башкортстанның иң ерак районнарының берсендә иде . Бардылар анда Сәлимәләр әтисе белән .Карадылар ,район үзәгендә кечкенә генә бер агач баракта урнашкан ,килгән авыруларны дәвалау өчен бер уңайлыклары да ,кирәкле эш кораллары да булмаган бер хастаханә иде ул диде Сәлимә кабат шул хастаханәне күз алдына китереп .Әтинең дә мине бу юлсыз ,караңгы районда калдырасы килмәде. Үземнең дә шулай ук ,каласым килмәде диде ул Сания апасыннан уңайсызлана төшеп .Инде шушы минуттан Сания апасы да йомшак кына кагып , дилбегәне үз кулына алды .Әйт әле сеңелем диде ул аңа ,әгәр дә мин сиңа безнең хастаханәдә эшләп ,тәҗрибә тупларга тәкьдим ясасам син моңа ни диеп җавап бирер идең икән ? Мин баш табибә буларак сиңа тәкьдимне үзем ясыйм ,ә сайлау синең эшең . Сәлимәгә инде бу турыда Булат та әйтеп үткәргән иде ,шуңа күрә Сания апасының соравы аңа ят тоелмады ,ул ни актан ,ни карадан әлегә сүз дәшмәде .Тик шулай да инде үзен күптән монда торган кеше кебек хис итте .Кем инде ул монда ,ә ничек матур җылы кабул иттеләр ,эш тә тәкьдим итәләр ,кемгә тәтегән әле мондый бәхет дип уйлап куйды ул эченнән генә ,тик сүз кайтарып дәшмәде . Уйлап карармын Сания апа диде ул бераз пауза ясап алганнан соң ,ә иртәгә сезнең янга эшкә хастаханәгә барып карасам ни диярсезме икән , диде ул аннары Сания апасына карап .Ярар диде Сания , йокың туйгач Булат белән килерсез ,Булат алып килерсең яме улым диде аннан ,инде кайчаннан сүзгә кушылмыйча тыңлап кына утырган улына карап . Сүзне бүгенгә төгәлләнгәнгә санап үз бүлмәләренә кереп китте ,Булат Сәлимәне урамга йөреп керергә чакырды ,җәйге көн озын бит инде ул , әле кояш баерга да байтак вакыт бар иде ,алар шәһәр карарга чыгып киттеләр .Буа үзе зур шәһәрләрдән саналмаса да ,кечкенәләр рәтендә дә түгел иде .Үзенең үзәк хастаханәсе ,шәһәр уртасында урнашкан кино - театры ,күп кенә сәүдә үзәкләре булган шәһәр ,Сәлимәгә ошап та куйды сыман . Әле бит Булатның бер ел укыйсы бар . Син укырга киткәч мин монда бер ялгызым нишләрмен икән соң диде ул Булат белән урамда йөргәндә.Ничек инде бер ялгызың ,ә әниләр ,эшең ? Диде Булат , гаҗәпләнүен яшермичә .Казанда урнашсаң да ,без бит икебез ике җирдә булачакбыз ,син эштә ,ә мин укуда .Әле көн дә күрешергә дә җай чыкмаска мөмкин .Минем дә бит яхшы диплом белән чыгасым килә уку йортыннан . Алга таба да планнарым зурдан .Сине дә югалтасым килми .Шулай булгач безгә ныклап уйларга һәм тормышны алга таба алып бару өчен төпле планнар корырга һәм аларны тайчынмыйча үтәрбез бит сөеклем диде Булат , Сәлимәнең күзләренә туры карап .Я ,ни әйтә ала иде соң инде Сәлимә сөйгәненә каршы, ул да елмаеп кына карады да ,барысына да риза мин дигән сыман башын гына кагып алды һәм башын сөйгәненең иңбашына куйды . Дәвамы бар Гөлсинә Шакирова.

Гульсиня Шакирова Сания. Хикәя .Дәвамы Сәлимә белән Булат шәһәр урамы буйлап байтак йөрделәр әле . Алар кайтып кергәндә дә Сания ятмаган ,иртәгегә эшләнәсе эшләрен барлап , нидер язгалап утыра иде . Ул яшьләр кайткач аларга ягымлы гына итеп ,барыгыз анда чәй кайнап утыра ,тамак ялгап алырсыз да ,юлдан да кайттыгыз ,ял итәрсез диде. Сәлимә ,сиңа урын Булат бүлмәсендә җәйдем ,улым син үзең залда ятып йокларсың яме диеп ,хәерле төннәр ,татлы йокылар теләп үз бүлмәсенә кереп китте .Яшьләр дә чәйләп алганнан соң, Сәлимә үзенә җәйгән урынына Булатның йокы бүлмәсенә кереп китте. Ә Булат залдагы диванга урын салып шунда сузылды . Сәлимә яткач та, бик озак уйланып ятты әле Сания апасының тәкьдиме турында . Район үзәге булган Буа шәһәре дә матур гына икән үзе .Эш матурлыкта гына булса икән ул диеп фикер йөртте аннары . Аның барыннан да элек Булатны югалтасы килми иде шул .Булат та әнисе дә дөресен әйтәләр бит инде, кайда да эшләп табасы ,бер җирдә дә килдеңме мә әйдә диеп көтеп тә тормый,өеп тә куймыйлар. Ярый әле шушы ял йортына әтисе юллама бүләк иткән ,бу Сәлимәнең тормышын өч йөз алтмыш градуска борды да куйды .Шунда Булат белән очырашмаган булсалар ,ул хәзер кайда эш тапкан булыр идеме икән .Эше булыр иде анысы ,тик нинди урында һәм кемнәр арасында ,ә монда баш табибә булган Сания апасы үзе янына эш тәкьдим итте ,яшәп торырга тулай торакта үз бүлмәсе буласы .Булат белән кайтканда очырашырлар алла боерса .Гел аны гына саклап утыра алмый бит инде ул да . Шулай үз уйларына гел матур төсмерләр һәм юрамалар өсти өсти йоклап киткәнен тоймады да Сәлимә . Булатның да башында туксан төрле фикер бөтерелде .Ни диеп җавап бирер икән сөйгәне иртәгә .Риза булырмы ул шушында ,Буа шәһәре үзәк хастаханәсендә беренче эш адымнарын башлап җибәрергә үзе болай каршы да түгел кебек тә бит.Эх бу мәһәббәт дигәннәре ,бер утка сала ,бер суга батыра .Моңынчы бит Булатның мондый яратуны тик әтисе белән әнисендә генә татыганы бар иде .Ә менә Сәлимәне күрде дә капланды әбисе әйтмешли .Әбисе сүзләре искә төшкәч Булатның әбиләрен дә күрәсе килеп китте .Укырга киткәнче авылга да кайтып киләсе бары исенә төште .Аннары Сәлимәне дә әбиләре белән таныштырасы килә бит әле аның .Аларга ошармы ни диярләр икән дип үзалдына елмаеп та куйды ул хаттә .Ошатырлар ,оныклары яратканны ничек ошатмаска мөмкин инде җә .Шулай уйлар эчендә йоклап китте ул. Сания дә яшьләр кебек үк үз уйлары эчендә кайнады . Сочида очырашып ,танышу бер хәл ,монда бит бөтенләй дә башка мөһит .Ял иткәндә бит ул бар да әзер ,бар да матур һәм рәхәт .Әзергә бәзер бар да. Ә монда инде хәзер тормышны үзенә сөйрәсе .Болай ялкауга да ,тәкәббергә дә ошамаган үзе.Сөйләм теле дә ,фикер агышы да төшеп калганнардан түгел .Кулында Кызыл Диплом булуы үзен бер башка югары тотарга тырышуына бер сәбәп булып тора анысы ,ә бит әле ул бер тәҗрибәсез кая барып сыена ала .Үз канатым астына алып ,алга таба үстерергә кирәк бу яшь табибәне ,баланы диеп үз үзенә сүз бирде ул. Әллә йоклады Сания ,әллә юк ул уянганда тәрәзәдә инде кояш елмая иде ,ул сәгатькә күз төшерде ,сәгать әле алты да тулмаган .Аның инде аунап ятырга теләге юк иде ,торып юынып чәен куеп җибәрде . Суыткычтан иттарткычтан чыгарган итне алып котлетлар ясап пешерергә куйды һәм пьюре гына ясармын иртән торырларына диеп бәрәңге әрчеп кострюльдә суга бәрәңге куеп җибәрде .Ана кеше ана кеше шул инде ул .Иренә дә яраткан тормыш иптәше бит. Бүгенге иртәнең шундый матур җиңел башлануын Сания яхшыга юрады .Эченнән генә үзе белгән догаларны да укып алды .Аннары барысы да яхшы булыр Алла боерса Амин диеп аминын да итеп куйды . Менә шулай башланды бүгенге иртә Буа шәһәре үзәк хастаханәсенең баш табибәсе Санияләр фатирында . Дәвамы бар . Гөлсинә Шакирова .

Гульсиня Шакирова Сания . Хикәя .Дәвамы . Инде бар да әзер булды дигәндә ире Хәлим дә торып чыкты .Аның эшкә икенче сменага гына булганга күрә ,ул йокысы тәмам туйгач кына торды .Бу инде аларның шулай гадәткә кергән иде .Хәлимгә төнге эшкә барасы булганда Сания аны уятмый ,йокысы туйганчы йокласын диеп ,әле нинди эш төне туры килә бит. Ашыгыч Ярдәм табибларына гел дә чакырулар килеп кенә тора бит.Шәһәрдә генә түгел ,райондагы авыллардан да килә чакырулар .Шуңа күрә Сания Хәлимне борчымаска тырыша .Аларның гаиләсендә бүленгән эш юк ,алар бар эшләрне бергә эшләргә тырышалар ,ә инде шундый очыраклар булганда Хәлим Саниягә ,Сания Хәлимгә ял итү мөмкинлеген тудырып яшиләр.Малайлары Булатны да шундый итеп ,гаилә тотар ир егет итеп тәрбияләргә тырыштылар алар . Алар балаларны уятмаска әкрен генә сөйләшсәләр дә Булат та торып чыкты .Бу вакытта Сәлимә дә уянган иде инде ,тик бүлмәдән чыгарга гына уңайсызланып тора иде. Әкерен генә ишек кагып Сания апасы керде .Хәерле иртә теләп ,ничек йоклавын һәм кәефләренең ничек икәнен сорады .Аннары бит кулларын юып , ашарга өстәл артына чакырды .Бергәләп ашап алганнан соң ,үзе киенеп җыенып эшкә китте .Киткәндә Булатка үз вакытыгыз белән хастаханәгә килеп китәрсез әле диде ,Сәлимәгә дә елмаюлы караш ташлап . Сания киткәч өйдә берара ниндидер бушлык барлыкка килде .Беркавым барысы да тынып калды .Аннары Хәлим Амин итеп өстәлдән торып китте .Булат белән Сәлимә әле сөйләшә - сөйләшә чәйләрен эчәләр иде .Аннары алар да озаклап утыруны өнәмиенчә , Амин итеп өстәлдән тордылар. Икесе бергә өстәлне җыеп , савыт - чәшкәләрне юып куеп залга чыктылар . Аннан өйдә ни эшләргә соң диеп ,җыенып хастаханәгә киттеләр .Җәяү генә шәһәрне карый - карый бардылар . Әйткәнемчә хастаханә алар торган фатирдан ерак түгел , җәяү генә йөрешле иде .Алар барганда инде Сания ,,биш минутлык" диеп атала торган иртәнге обходны уздырып ,үз бүлмәсенә кергән иде .Сания Булатка бераз йөреп килергә кушып урамга чыгарып җибәрде ,ә үзе элгечтә үтүкләп куелган ап - ак халат алып Сәлимәгә сузды .Сәлимә халат кигәч ,соклануын яшермәде . Сөбханалла ,сөбханалла гел дә табибә булып тугансың икән бит син ,буй - сыннарыңа бик тә килешә ак халат диде . Алар хастаханә белән танышу өчен ,сөйләшә - сөйләшә коридор буйлап Хирургия бүлегенә киттеләр .Коридор бик киң булмаса да уңайлы . Тәрәзә төпләрендә гөлләр үсеп утыра .Вакытына күрә үзенчә челтәрләре дә һәм озын тәрәзә пәрдәләре дә эленгән иде. Менә алар Хирургия бүлегенә керделәр .Баш табибәне күргәч шәфкать туташлары да , хирургия табиблары да бераз дулкынлану кичерделәр бугай. Баш табибә аларга Сәлимәгә хастаханәне күрсәтеп ,теләге булса монда эшкә калдыру мөмкинлеге барлыгын әйтте. Быел гына Кызыл Дипломга Өфе каласындагы Медицина институтын тәмамлаган хирург белгечлеген алган яшь белгеч диеп таныштырды .Бездә кадрлар җитешмәвен барыбыз да яхшы беләбез ,үз арабызга кабул итеп алып ,үстерә алырбызмы без бу яшь кызны диде ул хезмәттәшләренә сораулы караш ташлап . Сания апасыннан мондый да җылылыкны ,аналардай кайгыртучанлыкны һәм үз хезмәттәшләре арасында да бик зур ихтирамга лаек кеше икәнен белгәч Сәлимәнең күзенә яшьләре килеп тыгылды .Ул елап җибәрмәс өчен үзен чак - чак кына тыеп тора иде ,әгәр шунда берәрсе дәшсә менә - менә елап җибәрер кебек тойды ул үзен. Монда инде Сания апасына каршы ул бер кәлимә каршы сүз әйтер хәлдә түгел ,бары тик мин риза монда эшкә калырга дигән уйда гына иде .Мондагы чисталык ,самимилек ,чын күңелдән булган сөйләшүләре үк ,табиблар һәм шәфкать туташларының үз эшләренә бирелгән һәм һәр авыруга да җылы мөнәсәбәт булуын күрсәтеп тора иде . Шушы килүеннән Сәлимә , Сания апасы кул астында ,Буа шәһәре үзәк хастаханәсендә эшкә калды .Коллективлары да,хастаханә үзе дә бик хуш килде аның күңеленә .Менә эшкә урнашып беткәч ,авылга кайтып килер дә ,җиң сызганып эшкә керешер Алла боерса .Сәлимә Сания апасы белән барын да сөйләшеп , тулай торак бүлмәсен карарга Булат белән бергә киттеләр . Бу кайчандыр Санияләр торып чыккан бүлмә күршесендә генә иде .Җыйнак кына бүлмә .Бер тимер карават ,агач ике урындык һәм бер агач өстәле булган тулай торак бүлмәсе . Дәвамы бар. Гөлсинә Шакирова.

Гульсиня Шакирова Сания . Хикәя .Дәвамы . Сәлимә. тулай торакны карап чыккач Булат белән янәдән Сания апасы янына хастаханәгә китте .Аның бүген үк урнашып бетеп ,авылга китәргә иде исәбе .Вакытны сузып йөрүдә файда юк диеп фикер йөртте ул үзенчә .Бу атнасы юлда үтсә ,киләсе атна башыннан эшкә чыгармын Алла боерса диде ул Сания апасы белән Булатка да .Сания апасы бик хуп ,бик хуп диеп җөпләп кенә куйды аның сүзен .Я ,ярар алайса ,сүздән бау ишеп утырганчы эшегездә булыгыз , минем дә әле эшлисе эшләрем күп бүген диеп яшьләрне озатып җибәрде . Булат белән Сәлимә фатирга кайтып ашап алганнан соң , Сәлимә юлга чыгарга әзерләнә башлады .Аны Булат автобус станциясеннән озатып калды . Сәлимә инде бер килгән юлын белгәнгә күрә ,бер борчусыз автобус тәрәзәсеннән карап барды .Казанда тимер юл вокзалына килеп ,Казан - Өфе поездына утырып үз якларына юл алды .Кайтып җитеп , әниләренә булган хәлләрнең барысын да бәйнә - бәйнә сөйләп, сөенечен уртаклашты һәм икенче көнне үк ,барлык кирәк яракларын җыйнап юлга кузгалды .Әтисе белән әнисе хәерле юллар теләп аны озатып калдылар . Сәлимә ,Буага кайтып җиткәч башта Сания апаларына барды .Анда әнисе җибәргән күчтәнәчләрне биргәннән соң гына Булат белән тулай торакка киттеләр .Әйберләрен илтеп куйгач ,алар икесе бергә идәннәрне юып чыгардылар . Сәлимәгә Булатның булышып йөрүе бик кадерле иде шул . Инде бит аерылышыр көннәр дә җитә диеп уйлап куйды Сәлимә эчтән генә .Мин Сания апа белән сөйләшермен дә ,ул рөхсәт итсә иртәгәдән бәлкем эшкә дә чыгармын диде ул Булатка да .Әле бит Сания апа эштә ,бәлкем хәзер аның янына хастаханәгә барып килербез диде ул Булатка . Мин каршы түгел матурым , әйдә соң киттек ,монда ерак ара түгел бит ,кереп чыккан кебек кенә диеп көлде Булат. Алар килеп кергәндә Сания кем беләндер кызып - кызып телефоннан сөйләшә иде . Балаларны күргәч ,телефонын куйды да Сәлимәгә карап .Абау инде кайтып та җиттеңмени үскәнем диде гаҗәпләнгән кыяфәт чыгарып .Әйдәгез утырыгыз нинди яңалыклар алып килдең диде ул кабат Сәлимәгә карап .Сәлимәгә бераз уңайсызрак тоелды Сания апасының бу сорау алу кебек ,сораулар яудыруы ,ул бар кыюлыгын җыеп сүзгә кереште .Әниемнәр күп итеп сәләм җибәрделәр ,зурдан зур рәхмәтләрен җиткерергә куштылар һәм әгәр рөхсәт итсәгез мин иртәгәдән эшли башларга диеп килдем диде дә ничек кисәк башласа ,шулай ук туктап та калды , Сания апасының күзләренә карап. Бу карашта ярату да ,ялвару кебек бер нәрсә дә бар сыман тоелды Саниягә .Ул утырган уыныннан өстәл артыннан чыгып Сәлимәне кочаклап ук алды .Менә сеңелем мин синнән шушы сүзне көткән идем дә инде диде .Ярар иртәгә икән инде иртәгә алайса диеп кабатлады аннары үз үзенә .Әйдә хәзер кадрлар бүлегенә кереп ,эшкә урнашу турында договор төзеп чыгыйк ,аннары хуҗалык эшләре мөдиреннән урын кирәк яраклары алырсыз , Булат булышыр бүлмәңә урнашырга диеп ,алар кадрлар бүлегенә кереп киттеләр. Анда эшләрен бетергәч Сания үзе үк барып ,барлык кирәк яракны алышып балаларны озатып җибәрде ,инде эш сәгате дә тәмамланырга күп калмаган иде ,үзе дә җыенып кайтырга кузгалды.Кайтканда тулай торакка кагылып бүлмә ничегерәк икән диеп карап чыгарга булды .Инде ялт итеп юылган бүлмәне күргәч күңеле күтәрелеп китте ,уңган булган кызга ошаган Алла боерса , инде монда да барысын да ялт иттереп куйганнар диде яшьләр өчен сөенеп. Караватны җыеп ,өстәлләрне сөрткәннән соң ,алар барысы бергә көлешә - көлешә фатирларына кайттылар . Бергәләшеп ашап алганнан соң ,Сәлимә Сания апасы белән кичкә ашарга пешерергә кухняда кайнаштылар .Камыр куеп өчпочмак пешерү иде исәпләре ,менә бит икәү булгач тиз дә ,рәхәт тә диеп ,Сания апасы уены - чыны белән төрттергәләп тә алгалады ,тик аларга барыбер рәхәт иде . Менә өчпочмаклар да әзер , әйдәгез егетләр ашарга диеп ире белән улын ашарга дәште Сания .Менә икәү булгач ничек тиз өлгерттек бит ашарга ,инде карыннарыгыз да ачыгып беткәндер диде елмаеп .Юк , әле ашаган идек бит диде Хәлим сер бирәсе килмиенчә . Күмәкләшеп бер табын артында гөрләшеп ашавы да күңелле иде шул . Дәвамы бар. Гөлсинә Шакирова.

Гульсиня Шакирова Сания . Хикәя .Дәвамы Ашап кубып өстәлләрне җыештырып алдылар Сания апасы белән Сәлимә. Аннан ул алардан уңайсызланып кына рөхсәт сорап үз бүлмәсенә барып кунуны кулайрак күрде .Гел дә ,кеше бусагасында яшәп булмый бит инде диеп фикер йөртте ул .Иртәгә беренче эш көне дә бит әле .Иртүк торып үз торагыңнан чыгып китү ,ул инде тормышка ныклап аяк басып атлап китүгә тиң дия иде аңа әтисе киңәш биргән чагында .Менә ул көн озак көттермәде ,килеп тә җитте. Аның үз бүлмәсе һәм бөтенләй дә чит җирләрдә үз балалары кебек якын итүче Сания апасы гаиләсе бар .Булат та бик итагәтьле ,ныклы тәрбия алган егет .Һәр атлаган адымы уйланылган һәм һәрдаим ярдәмгә килергә әзер .Үзен бик бәхетле сизде бу минутларда Сәлимә .Сания апасы да каршы килмәде ,ул Булатка карап ...бар улым тулай торакка кадәр илтеп озатып кил .Кибеттән кереп иртән чәй эчеп китәргә ,коры сарылар да алырсыз ,ә калган җитешмәгән әйберләрне иртәгә барлап бетерербез диеп балаларны озатып җибәрде . Шулай да Сәлимәгә ике генә булса да өчпочмак тыгарга да онытмады . Сәлимә белән Булат юлда очыраган ашамлыклар кибетенә кереп ,ипи ,шикәр ,тоз ише әйберләр алдылар да тулай торак бүлмәсенә кайттылар .Инде сәгать тә байтак икән тугыз тулып утыра сиңа да кайтырга вакыт диде Сәлимә сөйгәненә ,ә үзенең аннан бер дә аерыласы килмәсә дә .Бүген эш бик тыгыз булды ,бераз арытты да бугай диде ул Булатка назланып .Тик нишлисең , йоклап ял да итәсе бар иртәгә беренче эш көне .Соңга калмыйча вакытында барып җитәргә кирәк .Ара кул сузымы гына булса да ,яңа урын ,яңа танышлар , яңа хезмәттәшләр .Сания апасының ышанычын аклый алырмы ? Аклар Алла боерса. Сәлимә өеннән әнисе биреп җибәргән яңа ,матур чәчәкле сатин урын - җир җәймәләре белән урынын җәеп куйды . Аннан утларын сүрдереп ,үзе әбисеннән өйрәнгән корьән сүрәләрен укып йокларга ятты. Яңа урында беренче төне бик тыныч үтте ,әллә аруы җиткән , әллә үзе генә калганга ул бик тиз йоклап китте һәм иртән дә будильнигы шалтыраганчы ук йокысы туеп уянып торып утырды.Өйрәнелгән гадәтенчә җиңелчә генә физзарядкасын ясап алды ,аннан коридорга юынырга чыгып керде . Хәтерләсәгез бу тулай торакта дүрт бүлмәгә бер уртак кухня икәнен ,юынып кергәч чәйник куярга кабат кухняга чыкты . Белмим әле кешеләр уянмаган әллә калган бүлмәләрдә кеше юк идеме ,Сәлимә кичә дә бүген дә коридорда да кухняда да бер кеше дә очыратмады . Ул чәй кайнап чыккач Сания апасы биреп җибәргән өчпочмак белән чәй эчеп алды аннан әле вакыт иртә булуына карамастан эшкә барырга әзерләнә башлады .Җиңелчә генә битенә кершән дә якты ,ирененә дә беленер беленмәс кенә иннек тә сөртеп куйгач болай да матур булуы өстенә тагын да чибәрләнеп китте .Өстенә үзенең иң яратып кия торган акка зәңгәр вак чәчәкләр төшкән күлмәген алып кигәч күлдә йөзеп барган Аккошка ошады да калды . Шулай көзге алдында бер кат бөтерелеп алды да ,үз - үзенә канәгать калып ишеген бикләп хастаханәгә китте .Ул барып кергәндә әле смена алышырга байтак вакыт бар иде . Ул , күлмәге өстеннән генә үзенә бирелгән өр яңа ап - ак халат киеп , башына шулай ук , крахмал белән катырган ап - ак чепчик киеп куйгач ,чып чын табибәгә ошады да куйды. Ул андагы шәфкать туташларыннан эш тәртипләре турында сораштырды ,аңа яңа кеше булгач бик теләп , ул сораган сорауларга җавап бирделәр.Аның практикада өйрәнгәннәре ,әкеренләп күз алдына килә башлады.Ул үзенә каушамаска ,ничек тә үзен кулга алырга дигән таләпне куйды .Беренче көнне үзеңне ничек күрсәтсәң ,алда да сине шулай кабул итәрләр дигән татар халык мәкале дә бар бит дигән иде әнисе укырга кереп кайткач . Беренче эш көне ничек җиңел башланса ,шулай, яңа эш урыны ,яңа хезмәттәшләре , авырулар белән танышулар белән үтеп тә китте .Эш сәгате беткәч ул Сания апасы янына кереп утырды. Аңа үзенең беренче кичерешләрен ,эш көненең ничек үтүен бәян итте. Һәм үзенең Сания апасына бик тә рәхмәтле булуын да әйтергә онытмады . Юк ,юк ...бу бер дә ялагайлык та ,юхалык та түгел ,ә бу яшь яңа тормыш баскычына аяк басучы кыз баланың чын күңеленнән әйтелгән рәхмәте иде .Сания моны ана буларак , хатын - кыз буларак ,чын йөрәге белән тойды .Үзенең дә шушында килеп ,беренче эш сәгатьләрен башлаганда , аларга аталарча җылы кулын сузган баш табиб Бари Бариевичны ничек онытмак кирәк .Рәхмәтле ,бик рәхмәтле Сания Бари Бариевичка . Караңгы гүрләре якты булсын, урыны оҗмах түрләрендә булсын диеп уйлап куйды Сания ,Сәлимәнең чын күңелдән әйтелгән сүзләрен тыңлаганнан соң . Алар бергәләп кайтырга чыктылар .Аннан икесе бергә Сәлимә бүлмәсенә кереп ,алга таба булган яшәү планнарын сөйләштеләр .Сәлимә чәй куеп керде .Чәй кайнагач икесенә дә чәй ясап, әлегә бүлмәдә булган коры - сары белән чәйләп алдылар . Сания апасы суыткыч кирәк булуын ,әгәр риза булса үзләренең кечкенә суыткычын бирергә теләге барын әйткәч Сәлимәгә оят та булып китте. Сания апа мин авылга хәбәр итәрмен ,әтиләр килеп китәрләр әле диде .Аның бит әле алам диеп кенә барып алырга кибетләрдә суыткычы да юк балакаем диде Сания апасы Сәлимәне юатып . Сания апасы аннан Булат белән мөнәсәбәтләрен дә сорамый булдыра алмады . Ана бит ,аның белергә хакы бар .Кыз белән егеткә нәрсә аңа .Аның да булды бит ул яшь чагы .Булат та әтисенә ошап однолюб булырга ошап тора бит әле .Моңынчы күпме кызлар күрсә дә ,берсен дә якын итмәде ,ә менә сине күрде дә капланды диде ул Сәлимәгә .Ул сине беркемгә дә бирмәячәк ,моны колагыңа да аңыңа да кертеп куй .Үзең дә аның кебегрәк бугай син ,ике чабата бер кием диләр безнең якта андый кешеләрне . Шулай барын да уртага салып , ана белән кыз кебек сөйләште алар бүген ...алга таба булачак Кайнана белән Килен . Дәвамы бар. Гөлсинә Шакирова.

Гульсиня Шакирова Сания . Хикәя .Дәвамы . Көннәр шулай үз агымына ага торды.Сәлимә үз эшенә барлык тырышлыгын һәм алган белемен кулланып баш аяк чумды . Булатның да инде укырга китеп барганына айдан артып китте .Арада сагынулы хатлар гына йөреп тора ,ә үзенең гел дә кайтып йөрергә вакыты юк. Чөнки соңгы уку елы ,имтихан да бирәсе бар ,диплом эшен дә яклыйсы ,күпме тырышып укыганнарын җилгә очырасы да килми.Яхшы диплом белән чыксаң ,сиңа эшкә урнашуы да җиңелрәк була диеп гел дә тукып торды бит әнисе .Юк , Булат ялкау егетләрдән түгел, ул үз дигәненә ирешәчәк алла боерса .Әнисе белән әтисенең ышанычын аяк астына салып таптамаячак ул беркайчан да . Саниянең дә Булат белән Сәлимә мәһаббәтенә үз мөнәсәбәте .Бик бәрелеп үк булмаса да ул Сәлимәне күз уңыннан ычкындырмый ,үзенә сиздерми генә һәр адымын тикшереп тора .Эшендә дә мактыйлар үзен ,кирәк вакытларында Сәлимә, Сания апасына барып булышкалап та килә .Тулай торакта ,бер бүлмәдә ни генә эшләп бетәргә кирәк соң ял көннәрендә . Әтисе белән әнисе дә килеп күреп киттеләр .Алар да бик тә рәхмәтле иделәр Санияләр гаиләсенә .Үз балаларыдай кабул иттеләр бит Сәлимәне. Сания белән Хәлим авылга кайтып кайнана әниләрен кыш чыгарга алып килделәр .Бераз карышып маташса да ,алда салкын кышлар торганын уйлап күнде тагын үзе .Тик иртә яздан тагын авылга кире кайтару шарты белән генә ризалыгын биреп кыш чыгарга Буага килде . Яңа ел якынлашкан көннәр иде ,Сәлимәнең беренче операция ясаган вакытта . Аның хирург ярдәмчесе генә булып операцияләрдә катнашканы бар иде инде ,тик монысы башка ,ул үзе ясады бу операцияне .Ашыгыч ярдәм машинасы белән бер авыруны алып килделәр ,сукыр эчәге булуы шиксез .Тиз генә кан анализларын алу шуны күрсәтә . Монда инде озак уйлап торырга вакыт юк , шартласа тагын да яманрак булырга мөмкин .Ул ашыгыч рәвештә операция өстәлен әзерләргә кушты анастазиолог та монда иде әле бәхетенә . Тиз генә авыруны операциягә әзерләделәр .Менә ул беренче зур эш ,операция уңышлы үтте аллага шөкер .Авыруның сукыр эчәгесе шартларга җитеп шешеп тулган булган , вакытында дөрес диагноз куеп авыруны коткарып калды Сәлимә .Менә бит тырышып укуы үзенең нәтиҗәләрен дә күрсәтә башлады.Аны эшендә яраталар ,үзе дә гади дә , кешелекле дә ул. Иртән баш табибә үткәрә торган,,биш минутлык " та бу турыда рапорт бирделәр . Сания апасы аның шундый тәвәкәллек күрсәтүенә бер дә гаҗәпләнмәде .Киресенчә , көттем инде мин бу сәгатьнең сугасын ,рәхмәт сезгә коллегалар,яшь белгечләрне канат астына алып үстерүегез өчен диде . Яңа ел ялларына Булат та кайтты ,бергәләп яңа елны каршыладылар .Аннан авылга кайтып килделәр .Бу вакытта инде Санияләрнең Москвич машиналары бар иде .Хәлим аны кулдан ,бер колхоз рәисеннән сатып алды ,яңа ук булмаса да ,бик үк тетелеп тә бетмәгән иде әле ул .Авылга шул машинада кайттылар . Саниянең әниләре дә сөенделәр инде аларның машина алуларына ,ә әтисе, әзерәк монда маям бар иде дигән булып ,машина котлап бераз акча да төртте . Хәлим белән Сания төп йортларына икесе генә барасы иделәр ,аларга яшьләр дә иярде .Бераз һава да сулап кайтырбыз ,кирәк булса юл салып карын да көрәп атарбыз диде Булат .Шулай алар җәяү генә дүртәүләшеп төп йортка киттеләр .Дөрестән дә капка төбен кар баскан ,аны көрәми генә ачу мөмкин түгел иде . Саниянең әнисе эз салып йөрмәгез ,кырыйдан гына карап кайтыгыз дигән иде , тәки шулай итәсе ахырысы дип карап кына кире кайтып киттеләр алар . Икенче көнне бабасы белән Хәлим мунча яктылар ,каралты тирәсендәге эшләрне карашты кияү ,Булат белән икесе көздән ярылмый калган бүкәннәрне ярып өеп куйдылар ,ә хатын кызлар мич тирәсендә кайнашты .Тәмле итеп камыр ризыклары пешерделәр .Өйдә бәйрәм мөһите гөрләп торды . Мунча өлгергәч кинәнеп мунча чабындылар .Сәлимәнең беренче кайтуы иде әле бу авылга ,әбиләре дә ошатты аны,бәхетегез гомерле булсын диделәр . Кайткан җирдән диеп икене кунгач китеп тә бардылар .Үз машинаң булгач рәхәт шул инде диде Хәлим горурланып . Әле бу вакытта машина сирәк кешеләрдә генә бар иде шул. Дәвамы бар. Гөлсинә Шакирова.

Гульсиня Шакирова Сания . Хикәя .Дәвамы . Яңа ел яллары да тоелмый да үтеп китте.Булат Казанга укырга китте .Аның инде хәзер сессияләре башланырга тиеш. Аннан диплом эше тора алда . Имтиханнарга әзерләнәсе , кыскасы аның инде хәзер арт кашырга да вакыты юк иде. Ничә еллык укуына нәтиҗә ясар вакыт җитте ,менә шушы дыр инде ул ...чебешне көз көне саныйлар дигәннәре . Булат баштан аяк укуга чумды. Сания дә Яңа ел ялларыннан соң белемен күтәрү курслары үтәргә тиеш иде .Аларны табибларны, һәр биш ел саен белемнәрен күтәрү курсларын үтүне мәҗбүри итеп кертә башлаган чорлар иде бу.Ул Казанга барып ,махсус билгеләнгән хастаханә кысаларында өйрәнүләр узарга тиеш .Анда үзе кебек бик күп табиб - табибәләр җыелган иде .Монда соңгы елларда медицинада булган яңа дәвалау ысулларын ,яңа эш коралларын барысын да күрсәтеп ,өйрәтеп укыталар булып чыкты .Сания монда яңа танышлар тапты .Алар үз тәҗрибәләре белән ,Сания үз эш алымнары белән уртаклаштылар .Алар укудан буш вакытларында ,бер тапкыр җыелышып Камал театрына бардылар .Анда ,,Зәңгәр шәл " спектакелен карадылар .Артистларның шулкадәр бирелеп ,үз уйнаган рольләрен яратып башкаруына чын күңелдән куанып ,сөенеп кайттылар алар театрдан. Санаулы вакыт тиз уза бит ул Санияләрнең дә укуы тәмам . Ул Булат янына тулай торакка барып ,аның белән сөйләшеп , кирәк ярак әйберләрен алып калдырды да ,Буага гаиләсе янына кайтып китте .Өйдә , әнисе дә бер көе генә йөреп тора аллага шөкер .Хәлим , инде эштән кайткан иде ул кайтып кергәндә .Кухняда ашарга пешерергә әзерләнеп йөри иде .Әнисе дә улы белән сөйләшеп ,ул ясап биргән чәй эчеп утыра иде .Алар Сания кайтып кергәч сөенечләрен яшереп тә тормадылар .Болай аерылып ялгыз яшәгәннәре юк иде бит әле аларның .Эшкә барып кайтуларын искә алмаганда .Кыен икән шул кызым , өйдә хатын - кыз булмагач диде кайнана әнисе . Сания юлдан кайткач ваннага кереп юынып чыгып ,халатын киеп алып ,ире белән әнисе янына кухняга чыкты .Бергә ире инде кайнатып өлгергән чәйне ,Сания алып кайткан күчтәнәчләр белән эчкәннән соң , инде Хәлим пешерергә куйган ашны пешереп бетерделәр дә ,бераз ял итәргә залда телевизор карарга утырдылар .Әнисе оныгы Булат турында сорамый түзә алмады .Барып хәлен белдем , кирәк - ярагын алып биреп калдырдым дигәч канәгать елмайды әнисе .Кеше күңеле пыяла ...диләр бит .Ялгыш авыррак сүз әйтсәң хәтере калыр олы кешенең диеп , Сания дә әнисе белән йомшак кына сөйләште .Хәер аларның инде ничә еллар бит бергә булуларына ,бер - берсенең хәтерен калдырырлык тавыш күтәреп сөйләшкәннәрен хәтерләми дә Сания .Үз әнисе тәрбиясе...әйтеп үкенгәнче , әйтми үкен ...дигән татар халык мәкален исеңнән чыгарма кызым диеп үстерде бит ул аны . Хәлимне дә әнисе бик назлы , нәзәкатьле ир - егет итеп үстерде шул .Аннары ,өйләнгәч тә ,йөрәгеңдә урын әниеңә әни урынында ,хатыныңа хатын урыны булырга тиеш диеп өйрәтеп ,шуны гел исенә төшереп торды .Бу бүленешне дөрес итеп күңелеңдә урнаштыра алганда гына ныклы гаилә кора алырсың дия иде Хәлимгә әнисе . Дөрестән дә ,таба алды Хәлим гаиләсендә алтын урталыкны. Әнисен үскәндә ничек яраткан булса ,өйләнгәч тә анасына булган ярату хисләре үз урынында калды .Ә хатынын яратуы ул инде бөтенләй башка икәнен ул Санияне беренче күргәндә үк аңлады . Шул көнне Сабан туена сөлге җыярга чыкмаган булса , белмим нинди булыр иде икән тормыш итү рәвеше ? Ходай Тәгалә үзе чыгарып бастырды бит Санияне аның юлына . Сания үзе дә тоймый калды бит ничек үзенең чиккән кульяулыгының Хәлим кулына күчкәнен ,шул бер күрүдән гашыйк булды бит ул ,үзенең яраткан сөекле хатыны Саниясенә һәм менә бүгенге көнгә кадәр бергә ,Ходайның биргәненә шөкер .Алга таба да күп еллар бергә булырга язсын әле диеп уйлап йөри Хәлим ялгыз чакларында . Сәлимә үзенең сайлаган хирург һөнәрен бик ярата .Ул хастаханәгә эшкә бик теләп , яратып йөри.Авырулар янына кергәндә гел дә йөзендә елмаю булырга тиеш дип өйрәттеләр аларны укыган чагында .Табиб авыруларны йөзе белән ,теле белән һәм бөтен барлыгы белән яратып дәваларга тиеш .Син авыру янына елмаеп керсәң ,аның да сиңа карап яшисе килә башлый ,бу инде авыруның савыгуга таба бер адым атлавы булып тора дия иде бер профессор агай . Дәвамы бар. Гөлсинә Шакирова.