Предыдущая публикация
Был донъяла йәшәр өсөн
Уҫал булырға кәрәк;
Хатта бик-бик уҫалға ла
Әҙерәк йомшаҡлыҡ кәрәк;
Юҡ-барына алданмаҫҡа
Уяу булырға кәрәк;
Суҡынып китһен донъяһы -
Ғәмһеҙ булырға кәрәк;
Йөрәкте һыҙлатмаҫ өсөн
Моңһоҙ булырға кәрәк;
Үтә етди булмаҫ өсөн
Шаян булырға кәрәк;
Күргәнеңде күрмәҫ өсөн
Һуҡыр булырға кәрәк;
Тетеп донъя көтәм тиһәң,
Сәмсел булырға кәрәк;
Намыҫты таҙа тоторға
Ғәрсел булырға кәрәк;
Белгәнеңде өндәшмәҫкә
Белмәмеш булырға кәрәк;
Был донъяла йәшәр өсөн,
Әҙерәәәәк кенә булһа ла ....
Дүрәк булырға кәрәк
Гөлфиә Ниғмәтуллина
Следующая публикация
Комментарии 6