Тарки ризои хеш кунад дар ризои ёр.
Гар бар вуҷуди ошиқи содиқ ниҳанд теғ,
Бинад хатои хешу набинад хатои ёр.
Ёр аз барои нафс гирифтан тариқ нест.
Мо нафси хештан бикушем аз барои ёр.
Ёрон,шунидаам,ки биёбон гирифтаанд,
Бетоқат аз маломати халқу ҷафои ёр.
Ман раҳ намебарам магар он ҷо,ки кӯи дӯст,
Ман сар намениҳам магар он ҷо,ки пои ёр.
Гуфтӣ,ҳавои боғ дар айёми гул хуш аст,
Моро бадар намеравад аз сар ҳавои ёр.
Бӯстон бе мушоҳида дидан муҷоҳид аст,
В-ар сад дарахти гул бинишонӣ ба ҷои ёр.
Эй бод,агар ба гулшани рӯҳониён равӣ,
Ёрӣ қадимро бирасонӣ дуои ёр.
Моро зи дарди ишқи ту бо кас ҳадис нест,
Ҳам пеши ёр гуфта шавад моҷарои ёр.
Ҳар кас миёни ҷамъеву Саъдиву гӯшае,
Бегона бошад аз ҳама халқ ошнои ёр.
Присоединяйтесь к ОК, чтобы подписаться на группу и комментировать публикации.
Комментарии 1