Предыдущая публикация
Бик еш кайтам туган йортыма
Ике мең чакрым озын юл үтеп
Әллә нигә әнкәй көтә кебек
Чыгар төсле миңа колач җәеп...
Өметләнеп капка ачып керәм
Тәрәзәдән алмыйм күземне
Әнкәемнең гөле шау чәчкәдә
Җанын тоям...Тик күренми үзе
Өй эченә керәм...Моң агыла
Күңел кылларыма урала
Кайттыңмыни минем күз нурым дип
Әнкәй моңы мине каршы ала
Тәрәз төбендәге гөле әнкәемнең
Зәңгәр чәчкә аткан...Миңа карый
Әйтерсең лә әнкәм күзләре
Ничек хәлең диеп миннән сорый.
Хәлләр әйбәт, әнкәй, бар да яхшы
Тик син генә юк шул янымда
Юк, еламыйм, әнкәй, җырлыйм гына
Сагышымны салып җырыма.
Рүзилә Гатауллина
Следующая публикация
Комментарии 16