Аҳволи касону нокасонро дидам.
Нокас ҳама ҷо садрнишин аст, дареғ,
Аз ҳоли бади касон басо ранҷидам.
***
Имрӯз ману шумо ки дар даври ҳамем,
Аз чӣ ҳама ҳушбанди ин бешу камем?
То вақт зи мост, хуррамӣ бояд кард,
То чанд ғуломи ҳалқабаргӯши ғамем?
***
Зистан дигар аст, зинда будан дигар аст,
Аз зиндагӣ ҳаққи худ рабудан дигар аст.
Ин қадр ғуломи нафс гаштем, чӣ шуд?
Бар Холиқи ақл банда будан дигар аст.
***
Мо дар ғами фардову замон мегузарад,
Ҳар лаҳза чӣ пайдо, чӣ ниҳон мегузарад.
Ёрон ҳама рӯзро ғанимат шумаред,
Чун бо ҳама рӯз умрамон мегузарад .
***
Дунёст накӯ, агар муҳаббат бошад,
Хуб аст ҳаёт, гар бароҳат бошад.
Ёрон чи накӯст зиндагӣ, вақте чун
Байни ҳамагон меҳру садоқат бошад.
***
Дар умри дурӯз гандагӣ лозим нест,
Бар даргаҳи нафс бандагӣ лозим нест.
Гар будани мост ғарқи бадкирдорӣ,
Эй марг биё, ки зиндагӣ лозим нест.
***
Барги гулаке фитода дар рӯйи замин,
Тар буд ба оби дидаи хеш, яқин.
Мегуфт ба пояи бари хеш хамӯш:
Поёни ҳар он ки рӯи хок аст, ҳамин.
***
Дунё, дунё, рози ниҳоне дорӣ,
Сад фанду фиреби ноаёне дорӣ.
Раҳме ба дилат нест чу андар ғами ту,
Мо пир шудему ту ҷавонӣ дорӣ.
Ғайратҷон Ҳотамӣ
Присоединяйтесь к ОК, чтобы подписаться на группу и комментировать публикации.
Нет комментариев