(Бўлган воқеа)
(Мусофирлар туркумидан)
Уч кундан бери "нормальный" овқат емадик. Бугун ишимизни қандай қилиб бўлса ҳам тугатамиз деб ўзимизга сўз берганмиз. Аслида бизни яна беш кун вақтимиз бор эди. Қачон тугатсак пул олишимиз керак. Шеригим Икром эрта чиқиб кетган, уйда мен навбатчи бўлганим учун кечроқ чиқдим. Ишни беш кун олдин тугатишимизга шошилиб иш қилди деб ўйларсиз, йўқ биз сифатли иш қиламиз, фақат кўпроқ ишладик, Ўн саккиз, ўн тўққиз, баъзан йигирма соат ишлаб шу кунга келдик. Кафел босамиз, ремонт ишлари дегандай.
Хуллас автобус бекатига келганимда бир ўзбек аёлига кўзим тушди. У аёл совуқда анчадан бери турганини сездим. Бир четда автобус кутиб турганимда менга қараб қараб қўяётганини кўрдим. Ишим бўлмади, чунки катта шахар одам кўп, албатта ўзбеклар ҳам бор. Эътибор бермадим, шу пайт телефоним чақириб қолди. Ошнам Икром.
-Ха ошна алло.
-Отабек келяпсанми?-деди.
-Ха хозир бораман.-дедим.
Шунда бекатда турган аёл менга ялт этиб қаради. Телефонни ўчириб беихтиёр мен ҳам аёлга қарадим. Кўзимиз учрашди, аёлнинг бироз безовталигини сездим. Секин мен тамонга қараб юрди, олдимга келиб салом берди.
-Ўзбекмисиз-деди.
-Ва алайкум ассалом. Ха ўзбекман, -дедим.
-Ака бир илтимос бор эди, ёрдамингиз керак.-деди.
Аёл қирқ ёшлар атрофида, чиройли кўринишидан бироз соддароқ эди. Қўлида сумкаси бор, кўзлари қизарган ва аниқки яхшигина совқотган эди.
-Нима ёрдам керак-дедим.
Агар иложи бўлса менга автобусга йўлкира бериб туролмайсизми илтимос, қийин ахволда қолдим-. деди хижолатомуз ерга қараб.
Қотиб қолдим, чунки бу аёл алдамаётганини кўзидан сездим. Биринчидан аёл кўп пул сўрамаяпти арзимаган пул сўради. Иккинчидан пул сўраб туриб ерга қаради уялди ва жуда ўксинди, сабаби кўзига ёш келганини шундоқ кўрдим.
Учинчидан умуман тиланчига ўхшамасди, аслини олганда Россияда мен бирорта тиланчилик қилган ўзбек аёлни кўрмаганман.
-Хўп майли қанча керак эди-дедим. Кейин ўзим хато қилганимни ўзим билдим.
-Эллик рубль етади ака, квартирага бориб олсам бўлди-. деди.
Хато қилдим деганимга сабаб шу эдики чўнтагимда юз рубль пул бор эди халос. Мен бўлса "қанча керак" деб катта кетиб қўйдим. Яна энг қизиғи бугун шу пулга тушликда Икром билан нон олиб қорин тўйгазмоқчи эдик.
-Менга етади эллик рубль -деди яна аёл.
овози қалтираб.
-Нима бўлди, тинчликми нимага йиғлаяпсиз-дедим.
-Эээ ака биз кунлик ишларга чиқардик, хар хил ишлар, обойчиларга,кафелчиларга ёрдамчи бўлиб. Мева омборларига, иссиқхоналарга хуллас шерикларим бор. бугун мен ўзим қолгандим, интернетдан бир кишига иш бор деб ўқиб қолиб келсам.. Уй тозалашга дейишганди. Бир ифлос мақсади бошқа экан.. Менга ташланиб қолди.-деб яна йиғлашга тушди.-Қочиб чиқдим кичик сумкачам қолиб кетди пулим картам сумкамда эди-деди. Уч бекат пиёда юриб келдим аксига олиб бирорта ўзбек учрамади кейин совқотиб кетиб турганимда сизни кўриб қолдим ака бир яхшилик қилинг илтимос.
-Хўп, хўп майли синглим-дедим.-Миллати нима эди ўша ярамасни.
-Афсуски ўзбек экан-хўрсинди жувон.
"Синглим тўғрисини айтсам ёнимда юз рубль бор эди халос шуни олинг, бўлганда албатта кўпроқ берардим. Бугун пул олишимиз керак эди" деган ўйлар хаёлимдан ўтиб энди гапирмоқчи эдим. Телефоннингизни бериб туролмайсизми телефон қилиб олардим деди.
Телефонни бердим кимгадир телефон қилди, дарров ўчирди.
-Ана автобус келяпти- деди.
Шошилиб чўнтагимдан пулни олиб узатдим.
-Рахмат ака мен буни қайтараман яхши инсон экансиз.. Аллоҳ хамиша юзингизни ёруғ қилсин рахмат рахмат хайр деб автобусга чиқди.
Кейин мени автобусим келди, чўнтагимдаги охирги чақаларга билет олиб мен хам ишга кетдим.
Ишга бориб тушлик вақтгача ишни тугатдик. Уй эгасига телефон қилдим. Иш тугади келиб кўришинг мумкин дедим. Аввалига ишонмади кейин мени жиддий гапирганимга ишонди шекилли. "Хўп бораман ўша сюрпризни олиб бораман агар тугамаган бўлса ўзларинга штраф" деб кулиб телефонни ўчирди.
Чунки у бизга агар эртароқ тугатишсанг сюрприз бор деб айтганди.
Биз хамма жойни тозалаб кафелларни артиб чиройли холатга келтириб бўлдик. Кейин Икром:
-Бор иккита нон олиб чиқ қорин очиб кетди еб турайлик,-деди.
-Сабр қил хозир уй эгаси келади пул берса кейин тушлик қиламиз-дедим.
-Ээ дарров пул беришига ишонмайман, айб қидиради, эртага индинга дейди-деди Икром. Мен хар хил бахона қилиб нон олиб чиқишни орқага сура бошладим. Албатта йўлдаги воқеани айтмадим. Агар айтсам"Сен ҳаммага ишонасан, соддасан, охирги пулингни ҳам берасанми бировга мусофир бўлсанг"деб бир дунё гап айтиб бошимни оғритиши аниқ. Орадан бир соат ўтиб. Ўзим тушиб чиқаман магазинга пулни бер деб турганди уй эгаси келиб қолди.
-Қандайсизлар йигитлар, нахотки тугаган бўлса-деб кириб келди.
-Ха тугатдик, кўришинг мумкин-дедик.
Бирма бир ишларимизни кўриб чиқаркан "Нахотки нахотки" деб қўярди.
-Гап йўқ йигитлар менга ёқди хаммаси жойида -деди нихоят.-Мен хозир бир жойга бориб келаман бир соатга пласстикдан сизларга нақд пул ечиб келишим керак, унгача мен ваъда қилган сюрпризни эрмак қилиб туринглар, юр машинадан олиб бераман деди менга. Қўлимга иккита елим халтада нарса берди. "Хаммаси халол землякларингдан олдим, чўчқа гўшти йўқ" деб кулди. Ичкарига кириб халталарни очдик. Ичида Ўнта тандир сомса, ўнта кабоб, тўрта тандир нон. Қатиқ, чой лемонад, салатлар катта бир ликобда буғи чиқиб турган ош турарди.
"Эххеее" деб юборди Икром.
-Арзимаган юз рубльга шунча нарса келдими "деб юборганимни билмай қолдим.
-Нима дединг- деб менга қаради Икром.
-Хеч нарса.-деб қўйдим.
Тушликни қилиб бўлиб Телефонимни Икром титкилаб ўтирганди, бирдан смс келди. Кимдан экан ўқиб кўрчи дедим.
" Ассалому алайкум яхши инсон мен сизни бир умр эсимдан чиқармайман. Телефон номерингиз хисобига юз рубль ташлаб қўйдим, қандай қайтаришни билмадим. Рахмат сизга омон бўлинг"
-Ким бу, қанақа юз рубль? деб ғалати қараб қўйди Икром.
Мен бўлса номеримни қаердан олди экан ўша жувон деб ўйланардим, телефонимдан бекатда ўз телефонига гудок ташлаб олгани эсимда йўқ.
Каримов Отабек.
Присоединяйтесь к ОК, чтобы подписаться на группу и комментировать публикации.
Комментарии 3