#Ретро
#ижтимоий
Муаллиф:ТангрибердиМурод
23.06.2023 23:00
#МАРДИКОР_АЁЛ
Керишади қанотин ёзиб,
Эснаб хўроз қичқирган онда.
Тандиридан нонини узиб
Олар аёл саҳармардонда.
Кичик ўғлин пайпоғин топиб,
Чой ҳам қўйди бориб ўчоққа.
Таппиларни деворга ёпиб,
"Мардикорга" кетди ўтоққа.
Ўн иккида..
Сабзи ўтарди...
Ишдан чиқди айланиб боши.
Ёқмай-ёқмай, зўрға ютарди,
"Пиёва" деб аталган ошин.
Кўкнинг ғарбий қулоқларига
Ҳилол тақиб қўйилётган дам.
Тупроқ қўниб яноқларига,
Аёл қайтди уйига бардам.
Юзларидан оқса ҳамки тер,
Чарчадим деб изҳор этмади.
"Ёғга пул бер, совунга ҳам бер,"
Музқаймоққа пули етмади.
Картошкани санаб тўғради,
Тухумларни сотиб бўлганди.
Аёл узоқ-узоқ йиғлади,
Қозон эса сувга тўлганди.
Емади у қилган овқатин,
Шошиб-шошиб урарди юрак.
Болаларим ишчи бўлмасин,
Фарзандларни ўқитмоқ керак!!!
Ётмоқ учун кўрпа тўшайди,
"Телвезор" ни тинглайди ҳиёл.
"Бизда ҳамма бахтли яшайди!"
Уффф! Дейди-ю, ухлайди аёл.
Каналимизга обуна бўлинг!!!
👇👇👇👇 https://t.me/Oq_atirgullar_N1
Присоединяйтесь к ОК, чтобы подписаться на группу и комментировать публикации.
Комментарии 1