Ёри тушса ёдига
олисларга қарайди,
Қабристонга борарда
сочларини тарайди,
Капалакдек жони бор
оталикка ярайди,
Товба қилинг, товба денг
борманг ҳар хил хаёлга,
Таъзим қилинг, бош эгинг
ёлғиз қолган аёлга.
Ким тош отса бевага
тоши қайтсин ўзига,
Ким термулса тикилиб
игна кирсин кўзига,
Мишмишчи, ғийбатчининг
ишонманглар сўзига
Товба қилинг, товба денг
етакламанг заволга,
Раҳм қилинг, бош эгинг
ёлғиз қолган аёлга.
Шом маҳалдан тонггача
куйиб чиқар ич- эти,
Доимо бўш қолади
ёстиғининг бир чети,
Ким бевага тош отса
қаро бўлсин юз- бети,
Товба қилинг, товба денг
берманг совуқ шамолга,
Қуллиқ қилинг бош эгинг
ёлғиз қолган аёлга.
Тўй қилади кўзида
ҳалқа- ҳалқа ёши бор,
Муштдекгина дилида
ботмон- ботмон тоши бор,
Эркакларда бўлмаган,
сабри бор, бардоши бор,
Бавага тош отганлар етмасинҳеч камолга,
Таъзим қилинг бош эгинг
ёлғиз қолган аёлга.
Атоий ҳам дўстларим,
бир беванинг боласи,
Бир муштипар онаниг
дили нозик лоласи,
Олтмиш йилки тинмагай
кўзларининг жоласи,
Товба қилинг, товба денг
борманг турли хаёлга,
Сажда қилинг бош эгинг
ёлғиз қолган аёлга!!!
Абдураззоқ Атоий. Пешку..
Присоединяйтесь к ОК, чтобы подписаться на группу и комментировать публикации.
Комментарии 5