Предыдущая публикация
Аёл қадамида айланади ер,
Ҳаёт, севасанми гоҳо заволни.
Кифтига юк ортма, қўлига гул бер,
Оёғи толмасин ёлғиз аёлнинг.
Эҳтимол эшитмас ҳеч ким оҳини,
Кўзига ёш олар, қара, бирпасда.
Гўё безагандай севги боғини
Йўлда кетиб борар – ўзи гулдаста.
Қачон хайрлашди висоли билан –
Бахтнинг осмонидан ерларга тушди.
Шу ҳолда паришон хаёли билан
Эҳтимол, учмоққа шайланган қушдир.
Жони бахшидадир болажонларга,
Ёлғиз суянчиғи Худо – ёри бор.
Унинг парвозида полапонларга
Меҳр ташиётган қушнинг ҳоли бор.
Йўлида собитдир бу аёл, гарчи –
Қалбига чанг солган нобакор саййод.
Унинг-ку бошини силамадинг кўп,
Энди оёғини оғритма, ҳаёт!
Шоди ОТАМУРОД
07.03.2023
Присоединяйтесь к ОК, чтобы подписаться на группу и комментировать публикации.
Комментарии 11
Рахмат шоирга, сизга хам ташаккурларим азиз дустим.
Бизга олиб келганиз учун
Эх бемалол куйинг