Ёлғиз аёлсан деб, ранжитманг асло,
Қўлингдан келмайди, ҳеч нима деманг.
Эркакка эркак у, аёлга аёл,
Ҳеч қачон йўлида ғов бўлиб турманг.
Ўйламай гоҳида гап отиб қўйиб,
Шаънига бўхтонлар ёғдириб юрманг.
Беъмани ҳаёлга берилиб яна,
Виждонни қийнаманг, афсусда юрманг.
Ёлғиз аёлсан деб, ранжитманг асло,
Субитсиз эркакдан минг чандон ортиқ.
Оламни англайди нигоҳи ила,
Яратган дунёсин қилади тортиқ.
Ёлғиз аёлларни ранжитманг асло,
Аксинча ардоқланг, эъзозланг уни.
Кўнглига озорлар етказиб илло,
Тақдири азалда, қисмати уни.
Юрагида эзгу, лим-лим муҳаббат,
Бир қўлида нони, бир қўлда шарбат.
Она Ватани бор. Ўлгунча қўрғон,
Бир қўлида Ватан, бир қўлда фарзанд.
Кўксига Ватаннинг меҳрини туйиб,
Ўзини ўйламай ёнади ёлғиз.
Орини, номусин, нафсини тийиб,
Кўксига бир муштлаб яшайди ёлғиз...
Ёлғиз аёлларни ёлғизсан, деманг,
Бир этак боласи билан яшайди.
Халқи бор, юрти бор, хомтама бўлманг,
Ватаннинг ишқида ёниб яшайди...
Ёлғиз аёлсан деб, ранжитманг асло...
Қўқон. 29/04/2023 йил.
Турсуной Ҳидоят.
Присоединяйтесь к ОК, чтобы подписаться на группу и комментировать публикации.
Комментарии 5