Тупроқдан яралдим, тупроқ буламан,
Сойдайин шум оқдим, қуриб битаман.
Шодон яшаб ўтдим, қолиб нетаман,
Умр тугаб битса, мен ҳам кетаман.
Ҳисобли соняси тугаса, битса,
Жимгина кетаман чора йўқ ўзга.
Ёмон куринмайин болам кўзига,
Умр тугаб битса, мен ҳам кетаман.
Умримни бемано яшаб ўтибман,
Садоқат нарҳини арзон билибман.
Базилар кўнглида шундай қолибман,
Майли умр бита, мен ҳам кетаман.
Кўрдим кор-у ёмғир ғуборли осмон,
Жим бўлдим бор эди тилимда забон.
Ҳасратдан аҳволим бўлдида ёмон,
Умрим тугаб битса, мен ҳам кетаман.
Мангу қололмайман мен ҳам бандаман,
Кимгадур ёқмаган ишққа бандиман.
Кўринглар кетяпман мана йўлдаман,
Манзилга оз қолди мен ҳам кетаман.
Қойилман оҳират шу қадар яқин,
Кўзга кўринмоқда жудаям ёрқин.
Гуноҳлар ўлчами босяпти юкин,
Манзилга оз қолди мен ҳам кетаман.
Присоединяйтесь к ОК, чтобы подписаться на группу и комментировать публикации.
Комментарии 2