Предыдущая публикация
Қизим менинг бир донагинам,
Маҳфузамсан, ягонагинам,
Эътикодлим, дурдонагинам,
Жоним қизим омон бўлгайсан.
Ифорингдан яйрайди дилим ,
Бағрим узра ўсган оқ гулим ,
Бор меҳрингдан қониқар кўнглим ,
Жоним қизим омон бўлгайсан.
Дилингни эзмасин ғам алам,
Бошингни эгмасин ташвиш, ғам,
Кўзларингда кўрмагайман нам,
Жоним қизим омон бўлгайсан.
Фариштага қиёс ой юзинг,
Таскин берар менга ҳар сўзинг,
Қувончим ҳам, ишончим ўзинг,
Жоним қизим омон бўлгайсан.
Омон бўлсин бошда посбонинг,
Савлат тўкиб юрсин қалқонинг,
Бола бирла тўлсин хирмонинг,
Жоним қизим омон бўлгайсан.
Сен эмасму мендан қолар из ,
Қалб тўримни ёритар сўзсиз ,
Юрагимдан яралди шу сўз,
Жоним қизим омон бўлгайсан.
Автор ???
Присоединяйтесь к ОК, чтобы подписаться на группу и комментировать публикации.
Комментарии 1