Күзгә керә тузаны...
Әллә купты күк гөмбәзе,
Әллә түбә кузгалды.
Җил тисә дә җимерер, дип,
Суларга кыенсынам:
Бу дөнья шундый үз сиңа! –
Dior иннеге сыман.
Менә мин – ихтыярыңда,
Барсын ал – җаным, көчем,
Бит очымда ялкын эзе
Кабарып калсын өчен.
Җил тисә дә җимерер, дип,
Суларга кыенсынам:
Бу дөнья шундый үз сиңа! –
Dior иннеге сыман.
Офыкларны югалткандай
Карама ачуланып.
Аңлаешсыз башланса ни! –
Ахыры ачык аның:
Җил тисә дә җимерелми
Калгачтын, җиңел сулап,
Син мине сөртеп алырсың –
Dior иннеге сыман.
Бертуктаусыз нур коела,
Күзгә керә тузаны...
Бары купты күк гөмбәзе,
Бары түбә кузгалды.
Җил тисә дә җимерер, дип,
Суларга кыенсынам:
Бу дөнья шундый үз сиңа,
Бар галәм шундый үз сиңа! –
Dior иннеге сыман.
Рүзәл Мөхәммәтшин
Присоединяйтесь к ОК, чтобы подписаться на группу и комментировать публикации.
Нет комментариев