Журнал "Казан утлары"

Мөдәррис Әгъләм Батулла өенә килеп керә. Батулла ялгызы гына аш пешереп маташа икән. УКЫГЫЗ: https://kazanutlary.ru/news/ueny-chyny-berg/pychak

Татар зиратында – томан... Таралган кайгы сыман... Бала туган. Ана үлгән. Кабере җайлы сыман, Гөлләрдә чык тамчылары, Күңел яшьләре сыман. Тарих җилләре шәфкатьсез... Кабер ташлары сынган. Бәхет киткән, кайгы килгән... Кемдер шатлана сыман... Кабер ташларын иркәли Томан карт ана сыман. Җир җылысын тоя кеше, Җиргә сыенып тынган. Әйтерсең, ул яратылган Аккошлар канатыннан, Яңа Тукайларын көтә, Зират сагынган сыман. Ак томан булып Сәйдәшнең Моңы агыла сыман. Әмир Мәхмүдов

Җәүдәт Фәйзиның Равил Фәйзуллинга язган хаты УКЫГЫЗ: https://kazanutlary.ru/news/khatlar-yazdym-utyryp/audat-faizinyn-ravil-faizullinga-iazgan-xaty

Корал эшли, ир мактана. Мәкаль. Өстәлемнән каләмемне алып: Эш коралым, диеп уйландым. ...Каләмемне өстәлемә ташлап: «Эшлә!» – дигән булып кыландым. Өстәлемдә – каләм, ак кәгазьдә Ярты юл да шигырь күренми. Иҗат өчен йөрәк кушу кирәк, Баш эшләтү кирәк иренми! Салават Рәхмәтулла

Февраль саны дөнья күрде! ✨ Бу санда: 📍Айрат СУФИЯНОВ. Бәндә һаман яу чабарга маһир... 📍Хисаметдин ИСМӘГЫЙЛЕВ. Нәзифә. Повесть. 📍Дания НӘГЫЙМ. Бу заман кара һәм ак түгел... Шигырьләр. 📍Рәдиф СӘГЪДИ. Хәчтерүш. Роман. 📍Әлфия СИТДЫЙКОВА. Ишкәк. Сонет-такыя. 📍Солтан ШӘМСИ. Бүреләр. Хикәя. 🖇Тулы эчтәлек: https://kazanutlary.ru/categories/02-fevral-2025

Сабые изрәп йоклый, өшемәгәнме дип, иелеп, кулларын тотып карый Ләйсән. Беренче бала булгач, бик тәҗрибәсе дә юк, күп вакыт, әнием янымда булса, өйрәтер иде дип, уфтанып та куя... УКЫГЫЗ: https://kazanutlary.ru/news/ukuchylarybyz-ijaty/gaybt-tgel-gyybrt-khikya

Тәрәзәңдә янган лампа булып, Күренә миңа күктән тулган ай. Аһ, нигә без бүген бергә түгел, Гашыйк парлар бергә булгандай. Бәлки инде мине оныткансың. Тик тәрәзә пәрдәң артында Күрәм синең сылу сурәтеңне – Торасың күк көзге каршында. Тоела миңа – син дә япа-ялгыз Яшисең күк ялгыз бүлмәңдә. Көтәсең күк минем шакуымны, Тәрәзәңдә утың сүнгәндә. Р ә х и м Р а х м а н

Ул халкыбыз тарихына хатын-кызлар арасыннан беренче булып сәхнәгә күтәрелергә җөръәт иткән җырчыларның берсе, шулай ук татар опера сәнгатенә нигез салучыларның берсе буларак кереп калды. ТЫҢЛАГЫЗ: https://kazanutlary.ru/news/gaziz-tavyshlar/mryam-rakhmankulovany-tuuyna-120-el

Урамда кыш. Карлар ява Тын гына, мамык кына... Кар өстеннән эзләр салам, Каладыр сукмак кына. Сукмаклары: гади түгел, Җем-җем итә үзләре. Карларда булган яктылык Чагылдыра күзләрне. Карларның аклык, пакълеге Күчсен иде күңелгә. Изге эшләр генә кылып Матур булсын бар дөньялар, Тынычлык хөкем сөрсен! Кар бөртекләре Җир шарын Саклап, юрганга төрсен. Алинә Хәйруллина. Чистай районы

Теге вакытта фашист оккупантларыннан яшеренсәләр, хәзер үзебезнең солдатлардан, тимер юлны саклаучы хәрбиләрдән яшеренә- яшеренә, бер товар вагонына менеп урнаша алдылар. Нәзифәнең уйлавы буенча, бу состав менә-менә кузгалырга тора. Составны таккан паровоз, парларын тирә-якка бөркеп, үзенә су тутыра шикелле. Озак та үтмәде, паровоз бер әче итеп сызгыртып алды да, пошкырып, составны дер селкетеп, урынында тәгәрмәчләрен зыр әйләндереп алгач, көчәнеп, урыныннан кузгалып китте. УКЫГЫЗ: https://kazanutlary.ru/news/povest/nazifa-povestnyn-davamy-1738761745