«Өзтрансгаз» компаниясының «Газета.uz»ға мәлим етиўинше, Түркменстан 21-январьдан баслап Өзбекстанға газ экспортын басқышпа-басқыш тиклеўди баслаған.
Хабарда жазылыўынша, Түркменстан күнине 4,8 миллион куб метр көлеминде қайта тиклеў жумысларын алып барып, бүгинги күнде бул көрсеткиш 12,6 миллион куб метрге жеткерилди.
«Газ жеткерип бериўдиң күнлик көлеми басқышпа-басқыш 16 миллион куб метрге жеткериледи. Суўық күнлер басланыўынан алдын усындай муғдарда газ жеткерип берилетуғын еди», - деп атап өткен компания.
Мағлыўмат орнында атап өтиў керек, Түркменстан суўық ҳаўа райы себепли жүзеге келген техникалық себеплерге байланыслы 12-январьдан баслап Өзбекстанға газ экспортын тоқтатқан еди.
2022-жылдың декабрь айында Өзбекстан Түркменстаннан үшинши тәреплердиң қатнасыўысыз тәбийғый газ импортын көбейтиў бойынша қысқа мүддетли келисимге ерискен еди.
Каналға ағза болыў 👉 @karinformuz
Присоединяйтесь к ОК, чтобы подписаться на группу и комментировать публикации.
Нет комментариев