2023-жыл 23-январь күнинен баслап республикамыздағы барлық мектепке шекемги, улыўма орта, профессионал ҳәм жоқары билимлендириў мәкемелеринде оқыў-тәрбия процеси дәстүрий тәризде басланыўы белгиленген болып, бул өз гезегинде, пайтахтымыз Нөкис қаласында жолаўшылар ағымының көбейиўине алып келеди.
Қарақалпақстан Республикасы Транспорт министрлиги мәлимлеме хызметиниң хабар бериўинше, транспортлар санын кɵбейтиў ҳәм қатнаўдағы үзилислердиң алдын алыў мақсетинде Қарақалпақстан Республикасы Жоқарғы Кеңеси Баслығының тапсырмасы менен тек ғана белгиленген муғдардағы автобуслар ушын қысылған газ (метан) шақапшалары ашылады.
Сондай-ақ, мәмлекетлик уйымларға тийисли болған қосымша 15 дана автобус халқымызға хызмет көрсетиў ҳәм транспорт қатнаўын үзликсиз тәмийинлеў мақсетинде ажыратылады.
Министрлик транспорт басқарыўшыларына мүрәжат етип, жақын арада барлық автотранспортлар ушын қысылған газ (метан) шақапшалары ашылыўы күтилип атырғанын, соған шекем автобусларға газ қуйыў шақапшалары әтирапына жыйналмаўын сораған.
Каналға ағза болыў 👉 @karinformuz
Присоединяйтесь к ОК, чтобы подписаться на группу и комментировать публикации.
Нет комментариев