Доштани тиллову молу симу зар,бахт аст магар?
Ё нишастан дар бари ёр,ҳар саҳар бахт аст магар?
Меҳрубони дидану оғӯши гарми ҳамсарат,
Буданӣ зери таваҷҷӯҳу назар, бахт аст магар?
Дилтапидан дар ғами ҳамхонаву дилдодаат ,
Ишқ варзидан барои ҳамсафар,бахт аст магар?
Пас бигӯ, ки бахт чисту одами хушбахт кист?
Дар канори оила шому саҳар,бахт аст,магар?
Бо азизони дили худ шод будан то абад,
Дар канори модари зору падар,бахт аст магар?
Бо дуои волидон пирӯзи овардан ба даст,
Доштан,сад хонаву ҳавливу дар бахт аст магар?
Сер будан хуш пӯшидан саёҳат доштан,
Нӯши ҷон бинмудани шаҳду шакар,
бахт аст магар?
Ростиро ҷӯяму пайдо намесозам чаро?
Сад дурӯғ бишнидаам ҳамчун хабар, бахт аст магар?
Ғарқи тӯҳмат мондану пайдо накардан ҳамдиле,
Зери бори таънаҳои ҳар нафар,бахт аст магар?
Бо рақибон дар сари хоне нишастан ноилоҷ,
Нонамудан аз сияҳқалбон гузар,бахт аст магар?
Дар азои дӯстоне,ки зи мо бегонаанд,
Хуни дил гардидану хуни ҷигар бахт аст магар?
Моҳбону,моҳрӯйиву зи сӯзи зиндагӣ,
Ҳамчу абре доштан чашмони тар,
бахт аст магар?
✍️ Моҳбону.
Присоединяйтесь к ОК, чтобы подписаться на группу и комментировать публикации.
Комментарии 6