=====================================
(1)
ФАЗИЛАТИ СУРАИ КАҲФ
Сураи Каҳф аз сураҳои мебошад ки дар Маккаи Мукаррама нозил шудааст
Бинобарин мавзӯъҳои имон ба Аллоҳ таъоло ва тасдиқи рисолати паёмбари акрам (саллаллоҳу алайҳи ва саллам) ва имон доштан ба рӯзи қиёмат меҳвари асосии ин сура мебошад
Сураи каҳф се фазилати асоси дорад
Аввалин фазилати ин сура исмат аст яъне паноҳ бурдан назди Аллоҳ таъоло аз Масеҳи Даҷҷол мебошад
(1)---ИСМАТ
Чуноне паёмбари акрам (саллаллоҳу алайҳи ва саллам) мефармояд
Аз Абудардоъ (разиаллоҳу анҳу )омадааст ки гуфт
Паёмбари акрам(саллаллоҳу алайҳи ва саллам) гуфт
Ҳар касе аз аввали сураи Каҳф даҳ оятро ҳифз кунад аз фитнаи Масеҳи Даҷҷол исмат меёбад (яъне дар паноҳи Худо мемонад аз фитнаи Даҷҷол)
(ривояти имом Муслим)
روى مسلم عَنْ أَبِي الدَّرْدَاءِ رضي الله عنه، أَنَّ النَّبِيَّ صلى الله عليه وسلم، قَالَ: «مَنْ حَفِظَ عَشْرَ آيَاتٍ مِنْ أَوَّلِ سُورَةِ الْكَهْفِ عُصِمَ مِنَ الدَّجَّالِ»،
************************************************
(2)---САКИНА (оромиш)
Аз Бароъ ибни Ъозиб (разиаллоҳу анҳу) омадааст ки гуфт
Марде дар хонааш сураи Каҳфро мехонд (Усайд ибни Ҳузайр ) дар ҳоле ки аспаш онҷо баста буд
Пас абрпорае поён шуда онҷоро пушонид ва ҳар лаҳза он абрпора наздиктар мешуд
Ва асп беқарор шуда аз он абрпора мегурехт
Вақте ки рӯз шуд он мард назди паёмбари акрам (саллаллоҳу алайҳи ва саллам) омада он қиссаро нақл кард
Ва паёмбари акрам (саллаллоҳу алайҳи ва саллам) гуфт
Вай сакина аст (оромиш) бо сабаби тиловати Қуръон нозил шудааст
(Саҳиҳи Муслим)
كانَ رَجُلٌ يَقْرَأُ سُورَةَ الكَهْفِ وَعِنْدَهُ فَرَسٌ مَرْبُوطٌ بشَطَنَيْنِ، فَتَغَشَّتْهُ سَحَابَةٌ فَجَعَلَتْ تَدُورُ وَتَدْنُو، وَجَعَلَ فَرَسُهُ يَنْفِرُ منها، فَلَمَّا أَصْبَحَ أَتَى النبيَّ صَلَّى اللَّهُ عليه وسلَّمَ فَذَكَرَ ذلكَ له، فَقالَ: تِلكَ السَّكِينَةُ تَنَزَّلَتْ لِلْقُرْآنِ.
الراوي : البراء بن عازب | المحدث : مسلم | المصدر : صحيح مسلم | الصفحة أو الرقم : 795 | خلاصة حكم المحدث : [صحيح]
************************************************
(3)---НУР
Аз Абусаъиди Худри (разиаллоҳу анҳу) омадааст аи гуфт
Паёмбари акрам (саллаллоҳу алайҳи ва саллам) гуфт
Ҳар касе сураи Каҳфро рӯзи ҷумъа бихонад вай то ҷумъаи дигар нурафшон мемонад
(тахриҷи Ҳоким ва ҳадисро саҳиҳ гуфтааст)
(тахриҷи Байҳақи дар Сунанаш)
أخرج الحاكم، وصححه، من حديث أبي سعيد أن النبي صلى الله عليه وسلم قال: "من قرأ سورة الكهف في يوم الجمعة، أضاء له من النور ما بين الجمعتين". وأخرجه البيهقي أيضًا في السنن من هذا الوجه، ومن وجه آخر.
************************************************
(2)
МУҲТАВОИ СУРАИ КАҲФ
Сураи Каҳф баён мекунад ки банда дар зиндаги ба ин чаҳор фитнаи бузург рӯ ба рӯ хоҳад шуд
(1)--Фитна дар дин
Ва барои шарҳи ин мавзӯъ қиссаи асҳоби Каҳф оварда шудааст
---------------------------------------------------------------------------
(2)----Фитнаи мол
Ва ин мавзӯъро дар Қуръон қиссаи соҳиби Ҷаннатайн баён кардааст
---------------------------------------------------------------------------
(3)------Фитнаи илм
Ва ин мавзӯъ дар қиссаи Мусо (алайҳис-салом) ва марди солиҳ Хизр баён шудааст
---------------'-----------------------------------------------------------
(4)----Фитнаи ҷоҳ
Ва ин мавзӯъ дар қиссаи Зулқарнайн баён шудааст
************************************************
(3)
САБАБИ НОЗИЛ ШУДАНИ СУРАИ КАҲФ
Қурайш ду нафарро аз Маккаи Мукаррама ба Мадинаи Мунаввара равон карданд то аз олимони яҳуд чанд суоле гирифта Муҳаммадро (саллаллоҳу алайҳи ва саллам)ро пурсанд
Назр ибни Ҳорис ва Ъуқба ибни Абумуъайит ба ин амр мукаллаф шуданд
Пасон онҳо ин суолҳоро назди паёмбари акрам (саллаллоҳу алайҳи ва саллам) матраҳ карданд
(1-ум суол )--Гурӯҳе барои дин аз шаҳр берун шуда фирори ватан шуданд
Ки буданд онҳо ?
(2-юм суол)---Марде гирди замин бо ҷаҳондори мегардад
Ки аст вай ?
(3-юи суол)---Руҳ аз куҷо омадаасту куҷо меравад ?
Паёмбари акрам (саллаллоҳу алайҳи ва саллам) ба онҳо гуфт фардо суолҳои шуморо ҷавоб хоҳам дод
Лекин нагуфт иншо Аллоҳ фардо ба суолҳои шумо ҷавоб хоҳам гуфт
Бинобарин ваҳй як моҳи пурра нозил нашуд
Пас аз як моҳ Ҷабраил (алайҳис-салом) сураи Каҳфро нозил кард ки дар он қиссаи асҳоби Каҳф ворид шудааст ва ҳамчунон қиссаи Зулқарнайн ва ин ҷавобе буд ба суолҳои Қурайш
Ва ҳамчунин Аллоҳ таъоло паёмбарашро ёдрас кард аи сабаби ба таъхир афтодани ваҳй ин нагуфтани иншо Аллоҳ буд
Ва ин ояти муборака низ он ваут нозил шуд
Қуръони карим мефармояд
وَلَا تَقُولَنَّ لِشَيْءٍ إِنِّي فَاعِلٌ ذَٰلِكَ غَدًا (23) إِلَّا أَن يَشَاءَ اللَّهُ ۚ وَاذْكُر رَّبَّكَ إِذَا نَسِيتَ وَقُلْ عَسَىٰ أَن يَهْدِيَنِ رَبِّي لِأَقْرَبَ مِنْ هَٰذَا رَشَدًا (24)الكهف
Ва ҳаргиз дар бораи ҳеҷ чиз нагӯ , ман фардо онро анҷом медиҳам (23)
Магар инки Худо бихоҳад ва ҳар гоҳе фаромуш карди (ва иншоаллоҳ нагуфти) Парвардигоратро ба хотир биёвар ва бигӯ -умедворам ки Парвардигорам маро ба роҳи равшантар аз ин ҳидоят кунад (24)
(оятҳои-23-24-и сураи Каҳф)
Zuhuriddin Nuriddin
Присоединяйтесь к ОК, чтобы подписаться на группу и комментировать публикации.
Комментарии 1