08.1944 - 23.06.2024.
40 фотографій з життя Ореста Шуляра.
Ён і я служылі ў адным падраздзяленні на крэйсеры "Мурманск".
Пра яго.
Нарадзіўся ў 1944 г. у сяле Паўлаўка Івана-Франкоўскай вобласці (Украіна).
Здольнасці да спеваў ад маці і бацькі.
Маці - хатняя гаспадыня, бацька - шавец, абодва спявалі ў самадзейных калектывах.
Орэст спяваў у школьным хоры, тэхвучылішчы, дзе вучыўся ў 1960-1962 г.г., на крэйсеры "Мурманск" (1963-1967). На агульнафлоцкіх конкурсах у Севераморску заняў 1-е, у Маскве - 2-е месца.
Пасля службы працаваў на прадпрыемствах Івана-Франкоўска, спяваў у мужчынскім хоры і вакальным квартэце роднага сяла Паўлаўка.
1971-1976 - студэнт Івана-Франкоўскага педагагічнага інстытута імя Васіля Стэфаніка па спецыяльнасці "Музыка і спевы".
З 1976 г. - выкладчык кафедры музычнага выхавання, спеваў і дырыжавання таго ж інстытута.
1987-1990 - аспірант пры Кіеўскім навукова-даследчым інстытуце педагогікі. Па накіраванні вярнуўся ў свой інстытут (цяпер Інстытут мастацтваў Прыкарпацкага нацыянальнага ўніверсітэта імя Васіля Стэфаніка).
1992 г. - кандыдат педагагічных навук, 1994 г. - дацэнт.
2009 - 2014 - загадчык кафедры акадэмічнага і эстраднага спеву, прафесар.
З 2016 г. - дацэнт кафедры методыкі музычнага выхавання і дырыжавання.
Спяваў у вакальных квартэтах "Легінь", "Коло", муніцыпальных харавых калектывах Івана-Франкоўска.
З канцэртамі быў у Расіі (1975), Польшчы (1982), Беларусі (1985), Таджыкістане (1988), Рэспубліцы Конга (1989), Румыніі (1995, 1998), Англіі (1997, 1998), Германіі (1996, 1997, 1999, 2001, 2005, 2009), Славакіі (2002), Францыі (2004), Венгрыі (1998, 2000, 2010), Італіі (1999, 2004, 2008), Мальце (2004).
***
Жыве ў сваім натуральным асяроддзі, дзе паўсюль гучыць родная ўкраінская мова: на вуліцы, у крамах, нвучальных установах, цэрквах, усе шыльды - украінскамоўныя і г.д. Усё гэта я бачыў і чуў, калі гадоў 15 назад з унукам ездзілі па захадзе Украіны. Івана-Франкоўск - надзвычай прыгожы горад. І людзі падаліся мне вельмі добрымі і шчырымі ў іхнім прыязным стаўленні да маёй беларускай гаворкі. І маё адчуванне павагі да іх за тое, што іхнія продкі і яны самі праз стагоддзі збераглі сваю мову пад аўстрыйскім, польскім і савецка-расійскім панаваннем.
Присоединяйтесь к ОК, чтобы подписаться на группу и комментировать публикации.
Комментарии 5
Орест Шуляр.
5.08.1944 - 23.06.2024