Адам Герасімавіч Русак (24.05.1904 - 21.03.1987).. Нарадзіўся ў в.Пясочнае Капыльскага раёна Мінскай вобл., памёр у Мінску, пахаваны па месцы нараджэння.
Беларускі паэт-песеннік.
Ніжэй:
- тры яго вершы з тых двухсот, якія сталі песнямі (першы верш «Бывайце здаровы... », які кампазітар Ісаак Любан зрабіў песняй),
- відэа песні "Не шукай" па спасылцы з jutu.be ,
- мой пераказ на беларускай мове гутаркі Людмілы Адамаўны Русак (з сайта Нацыянальнай бібліятэкі Беларусі, 4.07.2021 г.),
- фатаграфіі з таго ж сайта і Вікіпедыі.
*****
Бывайце здаровы, жывiце багата,
А мы ўжо паедзем дадому, дахаты.
У зялёнай дуброве мы начаваць будзем
I вашае ласкi вавек не забудзем.
У вашай гасподзе шырокае поле,
Няхай жа на шчасьце цьвiце ваша доля.
На рэчках на вашых бурлiлi каб воды,
Каб плавалi з крыкам гусей карагоды.
Каб жыта ў полi трубою вiлося,
Каб сала ў хаце кубламi вялося.
Штодзень у капусьце каб плавала шкварка,
Да шкваркi часiнай вялася б i чарка.
Яшчэ вам жадаем прыбытку ў хаце
Нi мала, нi многа – штогод па дзiцяцi.
Ня будзем у крыўдзе яшчэ i на тое,
Калi пашанцуе – на год i па двое.
Дарогу ж мы знаем да вас, ягамосьцi,
I езьдзiць мы будзем да вас часта ў госьцi.
Эй, хто на адведы, эй, хто на радзiны –
Вазiць караваi па дзьве паўасьмiны.
1936 г.
*****
Толькі з табою мне хочацца быць,
Толькі з табою,
Радасць і шчасце з табою дзяліць
Толькі з табою.
Ранняй часінай к табе я лячу,
Позняй парою.
Толькі к табе прыхіліцца хачу
Сэрцам, душою.
Выйсці у поле, дзе нівы шумяць,
Там, за ракою.
Першую зорку на небе спаткаць
Толькі з табою.
Гэтак не страшны цяжкія пуці
Будуць з табою,
Гэтак ісці неразлучна ў жыцці
Толькі з табою.
*****
Не шукай ты мяне
Каля жытніх палёў,
Не шукай,
Калі к сэрцу майму
Ты дарог не знайшоў,
Не шукай...
Не кажы ты мне слоў,
Што не грэюць цяплом,
Не кажы...
Калі сэрца тваё
Не палае агнём,
Не кажы...
Не спявай пад акном
Ты мне песні сваёй,
Не спявай…
Калі ў сэрцы не я
Буду песняй тваёй
Не спявай...
Не шукай ты мяне
У цішы вечароў,
Не шукай…
Калі к сэрцу майму
Ты дарог не знайшоў.
Не шукай...
*****
Відэа песні "Не шукай".
Кампазітр Ісаак Любан.
Выконвае Таццяна Матафонава (Грыневіч). https://youtu.be/_c_e-3Rk5n4?si=O8qZBxZ9xPuil2XW
Присоединяйтесь к ОК, чтобы подписаться на группу и комментировать публикации.
Комментарии 1