МАГЬМУД АБИЛОВГенерал-майор Магьмуд Абилован тIвар дуъньядин машгьур генералрин сиягьда гьатнава. Ватан-дин ЧIехи дяведа дивизиядиз регьбервал гайи ада военный тактикадиз гзаф цIийивилер гъанай. Лезгийрин кьегьал хва Магьмуд Абдулрзадин хва Абилов 1898-йисуз КцIар райондин КIур хуьре дидедиз хьана. 1920-йисуз Вакуда Яру Армиядин жергейрик экечIай Магьмуда уьмуьрдин эхирдалди ватандиз къуллугъна. 1921-йисуз Вакуда военный мектеб акьалтIарай ам къуллугъ авун патал Урусатдиз ракъурнай. Са вахтунда и алакьунар авай жегьил Нижний Нов-городдин 17-дивизиядин 49-полкунин ротадин командирвиле тайинарнай. 1922-йисалай М.Абилова Азербайжандин 77-дивизияда къуллугъна. 1929-1930-йисара ам Тифлис шегьердин военный мектебдин курсант, анаг кIелна куьтягьайла ротадин командир тир. 1937-йисуз Вакудиз хтай Магьмудаз Жемшид Нахчиванский, Самедбег Мегьмандаров, Али-агъа Шихлинский ва Гамбой Везиров хьтин сейли военныйрихъ галаз санал кIвалахун не-сиб хьана.
1938-йисуз вини дережадин офицервилин курс акьалтIарай Магьмуд Абиловал Дальний Востокдин Военный Округдин стрелковый корпусдин бригададин разведкадин частунин командирвал ихтибарна. И частуни Япон гьуьлуьн къерехда японрин самурайрихъ галаз женгера къагьриманвилер къалурна.
М.Абилова Ватандин ЧIехи дяведин тарихдин зурба чинар кхьена. 1939-1941-йисара М.Абилов дивизиядин командирдин заместителвиле тайинарна. Инай ам кIелун патал Москвадиз, Яру Армиядин Кьилин Штабдин Академиядиз ракъурна. Академия акьалтIарайла адаз Сибирдин Военный Округдин 146-стрелковый бригададин командирвал тагькимарна. 1942-1943-йисара Лычково-Велый Вордин патав дяведиз гьазур хьайи адан бригадади душмандин сенгерар кьиляй-кьилди чукIурна, фашистриз Ленинграддиз гьахьдай мумкинвал ганач. Идалай гуъгъуъниз М.Абилова Калуга шегьерда 146-бригададин бинедал алаз 70- дивизия тешкилна ва Москва хуьн патал кьиле фейи женгера иштиракна. Адан дивизияди 300-далай гзаф хуьрерни шегьерар фашистрин пацукай хкудна. МАГЬМУД АБИЛОВДесна вацIун къерехда кьиле фейи къати женгера полковник М.Абилова къагьриманвилинни тешкилатчивилин чешне къалурна. 1944-йисан мартдилай ада 70-дивизиядиз регьбервал гана ва гуьгъуьнлай ам II Велорусиядин Фронт-дин 250-Вобруйск дивизиядин командирвиле тайинарна. Адан регьбервилик кваз и дивизия 1944-йи- сан 22-нюндиз фашнстрин "Меркез" группировка дарбадагъ авун патал къати женгерив эгечIна. Дивизияди Велорусиядин вишералди шегьерар ва хуьрер душмандикай азад авуна. Польшадин сергьятар элячIна, инай фашистар чукурайдалай гуьгъуьниз дивизия РагъэкъечIдай Пруссиядиз гьахьна. 1945-йисан 20-апрелдиз СССР-дин Халкьдин Комиссаррин Советдин къарардалди М.Абиловаз генерал-майордин чин гана. Гьа йисан 7-майдиз М.Абилован кьушунди Эльба вацIун къерехар фашистрикай михьна ва адан яракьлу къуватар союз- никрин кьушунрихъ галаз гуьруьшмиш хьана. Германиядин Вранденбург шегьерда кьиле фейи дяве-да къалурай къагьриманвилерай генерал-майор М.Аби_лов Америкадин "Легион-оф-мерит" ордендиз лайихлу хьана. Америкадин Президент Гарри Трумена Магьмудаз ракъурай чар дуьньядин печатдин органри сад лагьай чинра чап авуна.
Присоединяйтесь к ОК, чтобы подписаться на группу и комментировать публикации.
Нет комментариев