Санаи 16-уми июни соли ҷорӣ, шаҳрванд Ҳоҷизода Абубакри 21-сола, сокини ш.Душанбе аз хона баромада бедарак шуд, ки боиси ба миён омадани ҳар гуна ҳадсу гумонҳо гардид.
Дар асоси фарзияи одамрабоӣ кормандони милитсияи пойтахт як қатор чорабиниҳои оперативӣ-ҷустуҷӯиро амалӣ намуда, бо гузашти се шабонарӯз ҳамчун гумонбар шаҳрванд Гулонов Хуршед, сокини 36-солаи шаҳри Душанберо, ки бо ҷурми дуздӣ қаблан суд шудааст, дастгир намуданд.
Номбурда Хоҷизода А.-ро аз кӯчаи Деҳотӣ рабуда, дар таҳхонаи манзили истиқоматиаш воқеъ дар кӯчаи Яккачинор дар шароити ниҳоят вазнин нигоҳ дошта, зери шиканҷа ва латукӯб қарор додааст. Ҳамзамон аз волидайни Ҳоҷизода А. бар ивази раҳоии ӯ 30-ҳазор сомонӣ талаб намудааст.
Гулонов Хуршед дар ҳабси пешакӣ қарор дошта, нисбаташ тибқи талаботи моддаҳои 130 қисми 2 (Одамрабоӣ) ва 250 қисми 2 (Тамаъҷӯӣ) КҶ Ҷумҳурии Тоҷикистон парвандаи ҷиноятӣ оғоз карда шуд.
Манбаъ: РВКД дар шаҳри Душанбе.
Присоединяйтесь к ОК, чтобы подписаться на группу и комментировать публикации.
Комментарии 2