З ЛЮБОЎЮ ДА РОДНЫХ МЕЛОДЫЙ.
Любоўю да родных мелодый, да народнага фальклору прасякнута жыццё вясковых жанчын вёскі Горы Краснапольскага раёна Магілёўскай вобласці, якія на працягу 35 год аб’яднаны ў народны фальклорны ансамбль “Горскія харашухі”.
Захоплены збіраннем, засваеннем і папулярызацыяй фальклорнай спадчыны, ансамбль зрабіў бясцэнны ўнёсак у захаванне традыцыйнай культуры свайго рэгіёна. У зборніку рэпертуара ансамбля больш за паўтары сотні захаваных аўтэнтычных, фальклорных, народных песень, шмат запісаных абрадаў. Песеннай творчасцю гэтага ансамбля, абрадавымі дзействамі поўніліся і поўняцца шматлікія святы і фестывалі на ўзроўні свайго рэгіёна, вобласці і рэспублікі.
АНСАМБЛЬ – ЛАЎРЭАТ НОВЫХ МІЖНАРОДНЫХ КОНКУРСАЎ.
У апошні час, калі пашырылася магчымасць удзелу ў дыстанцыйных конкурсах, ансамбль паспяхова выкарыстоўвае і гэту магчымасць.
У чэрвені 2024 года ён зноў прыняў удзел у 2-х Міжнародных конкурсах музычнай творчасці, дзе атрымаў дыплом лаўрэата I ступені і дыплом лаўрэата II ступені, чым пацвярджае свой выканальніцкі ўзровень, якасць сваёй творчасці і захаванага фальклорнага матэрыялу.
НАРОДНЫЯ ПЕСНІ – САПРАЎДНЫЯ ЖАМЧУЖЫНЫ.
Знакаміты Р. Шырма лічыў, што “вышэй і прыгажэй за народную песню, калі гэта сапраўдная народная жамчужына, а не падробка пад яе, няма і быць не можа”. У якасці фальклорнага матэрыялу, сабранага і засвоенага “Горскімі харашухамі”, у якасці выканальніцкага ўзроўню ансамбля не прыходзіцца сумнявацца. Песні з рэпертуару ансамбля “Горскія харашухі” – сапраўдныя жамчужыны народнай спадчыны. І ўдзельніцы ансамбля берагуць і з любоўю захоўваюць іх - мелодыі родных песень, мелодыі роднай зямлі.
ВАЛЯНЦІНА МАРЧАНКА, кіраўнік ансамбля
Присоединяйтесь к ОК, чтобы подписаться на группу и комментировать публикации.
Нет комментариев