Валянціна Марчанка, кіраўнік народнага аматарскага літаратурнага калектыву “Світанак” Краснапольскага РЦК ДУК “ЦКС Краснапольскага раёна – зноў у ліку пераможцаў Міжнароднага творчага конкурсу патрыятычнай накіраванасці. Яна – дыпламант II ступені.
Прыхільнікі творчасці краснапольскай паэткі ведаюць, як шчыра і ўзнёсла апявае яна ў сваёй творчасці родную зямлю і родную краіну. Тэма Радзімы, бадай, галоўная ў яе творчасці. Паэтка лічыць, што няма больш высакароднага пачуцця для чалавека, чым любоў да сваёй Айчыны, да свайго роднага куточка. Такая любоў дае чалавеку моц на добрыя справы дзеля той зямлі, на якой ён нарадзіўся і ўзрос.
Не так даўно яе кнігі (а іх выдадзена 5) і выдавецкая прадукцыя калектыву “Світанак”, які яна ўзначальвае, былі прэзентаваны для шырокай аўдыторыі праз выстаўку ў г. Мінску ў час справаздачнага канцэрта “Натхненне Радзімай” Магілёўскай вобласці..
На сваёй малой радзіме калектыў “Світанак” заявіў пра сябе ў якасці значнай культурнай адзінкі, у мэтах якой – папулярызацыя мастацкага слова, чытання, падтрымка і развіццё аматарскай творчасці, развіццё мастацкага густу, яднанне членаў грамадства вакол культурных каштоўнасцяў. І робіць гэта калектыў праз разнастайную дзейнасць – ладзіць творчыя гасцёўні, паэтычныя пляцоўкі, конкурсы і выстаўкі, прымае ўдзел у святах і канцэртах, прэзентацыях кніг, распрацоўвае сцэнарыі і публікуецца ў СМІ. А яшчэ – падтрымлівае міжнародныя сувязі і творчае ўзаемадзеянне. А яшчэ – удзельнічае ў Міжнародных і рэспубліканскіх конкурсах.
Кіраўнік калектыву “Світанак” Валянціна Марчанка з’яўляецца прыкладам для сваіх краснапольскіх калег-творцаў па пяру. Не так даўно ў гэтым годзе яна стала лаўрэатам Республіканскага фестывалю-конкурсу “Не старэюць душой ветэраны”, дыпламантам I ступені Усерасійскага творчага конкурсу, дыпламантам III ступені Міжнароднага конкурсу. І вось – новая перамога. Яе творчая работа патрыятычнай накіраванасці адзначана дыпломам II ступені.
Пажадаем поспехаў у творчасці нашай таленавітай зямлячцы і парадуемся за яе і за сябе!
АЛЯКСАНДРАВА В.
Присоединяйтесь к ОК, чтобы подписаться на группу и комментировать публикации.
Нет комментариев