Валянціна Марчанка, метадыст Краснапольскага РЦК ДУК “ЦКС Краснапольскага раёна”, зноў стала пераможцай Міжнароднага конкурсу, на гэты раз у намінацыі “Сцэнарый мерапрыемства”, і адзначана дыпломам I ступені.
Распрацоўка сцэнарыяў розных мерапрыемстваў – гэта не толькі сфера яе метадычнай дзейнасці, сакрэтамі якой яна добра валодае, гэта яшчэ і яе захапленне. Многія сцэнарныя распрацоўкі яна ажыццяўляе на матэрыяле ўласных літаратурных твораў – паэтычных і празаічных. Выкарыстоўвае ў сцэнарыях і краязнаўчыя матэрыялы, цікавыя факты, якія нястомна адшуквае ў розных дакументальных крыніцах і ў рэальным жыцці. Таму ўсе мерапрыемствы, рэалізуемыя на аснове яе метадычных распрацовак, - насычаныя і глыбокія. Праз розныя эпізоды і цікавыя сцэнічныя хады добра раскрываецца ідэя яе мерапрыемстваў, а спалучэнне дакументальнай і мастацкай літаратуры, цікавых фактаў, музычнага афармлення і выкарыстанне слайд ці відэа суправаджэння стварае адпаведны тэматыцы настрой, выклікае глыбокія эмоцыі і пачуцці.
Методыцы распрацоўкі сцэнарыя яна вучыць сваіх калег – клубных работнікаў клубных устаноў раёна. Дзеліцца з імі вопытам праз семінары, кансультацыі, адкрытыя паказы і аналіз, дзеліцца гатовымі напрацаванымі матэрыяламі, забяспечвае калег літаратурнымі творамі і краязнаўчымі матэрыяламі для выкарыстання ў рабоце.
У Год якасці, як прызналася Валянціна Аляксандраўна, ёй захацелася “атрымаць знак якасці” сваёй работы не толькі ад калег і гледачоў, але і праз ацэнку на міжнародным узроўні. Што ж, у яе гэта атрымалася! Яе конкурсная работа ў Міжнародным конкурсе адзначана дыпломам I ступені.
А гэта яшчэ раз упэўнівае, што краснапольскі край багаты на таленты і ўлюблёных у сваю справу людзей.
АЛЯКСАНДРАВА В.
Присоединяйтесь к ОК, чтобы подписаться на группу и комментировать публикации.
Нет комментариев