Бўлаётган зулмларга дуодан бошқа чорамиз йўқ экан, ҳеч йўқ дуода астойдил бўлайлик. Тавба ва ҳожат намозлари ўқиб, Аллоҳ таолога ёлворайлик, ижобат этса, ажабмас.
Ё РАБ!
Биз Сенга ожизлигимиздан, чорасизлгимиздан шикоят қиламиз. Ё Раб, айбларимизни тан оламиз, гуноҳларимизни эътироф этамиз. Ҳамма айб ўзимизда. Биз Сенга чин иймон ва ибодатда бўлмадик, буйруқларинг қилмадик, дунёга муҳаббат қўйдик, охиратни унутдик, гуноҳларга олуда бўлдик, керакли чораларни кўрмадик, берган имкониятларингдан етарлича фойдаланмадик.
Бугун бу нотавонлик жигар бағримизни эзди, ақлимизни пораканда қилди. Нафақат мусулмонлик, инсонийлик бурчимизнида адо этолмай, виждон азобида қолдик. Бугун қанча куйинмайлик, дуодан бошқа чорамиз йўқ, ё Раб, энди буни рад этиб бизни ноумидлардан қилиб қўйма!
Ё Аллоҳ! Фаластин аҳлига Ўзинг нажот бер! Уларнинг бугун Сендан ўзга ҳимоячилари йўқ, Сендан бошқа ёрдамчилари йўқ, Сендан бошқа ғамхўрлари йўқ. Ўзинг сақламасанг, биз умматлар ҳеч нимага ярамай ожиз қолдик. Ўзинг уларга ёрдам бер, нусрат бер! Зотан, Сени ожиз қолдирувчи йўқ.
Хасанхон қори
Присоединяйтесь к ОК, чтобы подписаться на группу и комментировать публикации.
Комментарии 2