Предыдущая публикация
Бу гомерләр сизелми дә үтә
Кунак кына без бу дөньяда
Ярый әле алдан белеп булмый
Ниләр язылганын маңгайга.
Язмышларны Ходай безнең өчен
Күптән язып куйган китапка
Без күрәсен башка кеше күрми
Үпкәләми яшик язмышка.
Мизгел генә шушы гомерләрне
Үткәрмикче әле ачу саклап
Матурлыкны әгәр күрә белсәң
Дөнья матур бит ул бар яклап.
Бер-беребезнең кадерен белеп яшик
Җылы сүзләр белән таң атсын
Яңа көннең яңа балкышы
Безнең күңелләрне яктыртсын.
Сөю нуры чәчсен күзләребез
Дөнья матур сөю булганда
Тормышыбыз матур чәчкә кебек
Мәхәббәткә тулып торганда.
Дөнья мәшәкатенә үртәлмичә генә
Яши белик, үтәр барысы
Һәрбер туган таңга шатланып
Дога кылыйк - шул иң яхшысы.
Рүзилә Гатауллина
Следующая публикация
Комментарии 14
Эйе,бу доньяда без кунак кына, бик тиз утэ гомерлэр!
Шуна хэр мизгелнен, хэр уткэн вакытнын кадерен белеп кенэ яшэек без бу доньяда!