Кич чыгарга җыенып йөримен...
Матур күлмәгемне сайлап алып,
Озын чәчләремне тарыймын...
Көзге алдында бөтереләм инде...
Түрдә картыем утыра елмаеп...
Әткәм-әнкәм минем кыйланышка,
Көлгән була карап сокланып...
Яшьлекләрен уйлыйлардыр инде,
И, яшь чаклар, дәртле чаклар, дип...
Нигә шулай тиз үтәләр икән?..
Сагынып сөйләсеннәр микән дип?..
Күршеләрем утыргычка чыккан...
Кичке эшләрен өйдә бетереп...
Яшь-җилкенчәк дәртле адым белән
Клубка бара җилдәй ашкынып...
Тып-тып басып мин дә китеп барам,
Авылдашлар бар да сәламли...
Барам шулай уйларыма чумып...
Үз алдыма таныш моң көйлим...
Клуб тулы яшьләр...Шимбә бүген...
Кичке уен бара бик кызып.
Гармун моңы агыла дәртләндереп...
Яп-яшь күңелләрне җилкетеп...
Гармун кылы бию көен өздерә...
И биедек инде туйганчы.
Иске клубның такта идәннәре,
Сыгылганчы, күңел булганчы...
Гармунчы егет мине озата килде...
Биегәнем микән охшады?...
Бер күрүдә гашыйк булдым, диде
Ә, мин тиле, аңа ышандым...
Тиле яшьлек димәсләр иде шул,
Әгәр тилелеге булмаса.
Бәлки кызыгы да булмас иде,
Сагышлардан йөрәк янмаса...
Яшьлек елларымның hәр мизгелен
Сагынып искә алам барысын...
Бүген килеп хәтта ләззәт бирә
Йөрәгемнең тирән ярасы...
Яшьлегемә кайтып килдем әле
Бер биедем әле туйганчы....
РҮЗИЛӘ ГАТАУЛЛИНА
Присоединяйтесь к ОК, чтобы подписаться на группу и комментировать публикации.
Комментарии 31