Предыдущая публикация
Килен булып төшкән изге авылым
Шигырь яздым әле үзеңә
Миңа сирәк кенә язасың дип
Үпкәлисеңдер инде үземә.
Үпкәләмә яме... Сабыр итик
Туар әле... Туар җырларым
Агылырлар әле... Агылырлар
Синең өчен күңелем моңнары.
Юкәлекүлем минем... Син бит миңа
Туган авылымдай якынсың
Улым синдә туды... Әйе, синдә
Тулы бәхетемнең юл башы.
Синең сукмагыңда очраттым мин
Тиң ярымны - минем Ильдарымны
Хезмәт юлым - олы юлның башы
Синең мәктәбеңдә башланды.
Рәхмәт әйтәм Сиңа... Мең-мең рәхмәт
Ярый әле Сиңа килгәнмен
Ярый әле изге туфрагыңа
Килен булып димен төшкәнмен.
Минем җанга бик нык кадерле Син
Һәр почмагың миңа шундый якын
Синдә үткән һәрбер көнемнән,
Һәр сулыштан ләззәт ала җаным.
Рүзилә Гатауллина
Присоединяйтесь к ОК, чтобы подписаться на группу и комментировать публикации.
Комментарии 13