Предыдущая публикация
Ачуланып озак йөрмәгез
Ачу саклау - ул бит картайта
Күңелегез һәрчак саф булсын
Яшьлек бит ул сафлык ярата.
Ачуландырсалар да сер бирмәгез
Елмаегыз бары аларга
Елмаю ул Кояш нуры төсле
Тиз эретә күңел бозларын.
Ачулы йөз кара болыт төсле
Күңел күген каплап ала бит
Тирә-якны нурландырып яшик
Яктылыкта яшәү рәхәт бит.
Авыр уйлар белән яшәмәгез
Ак болыттай җиңел булыгыз.
Якты күңел белән яшәсәгез
Матур үтәр гомер юлыгыз!
Рүзилә Гатауллина
Следующая публикация
Комментарии 19