Усть-Ордын Буряадай тойрогой бүхы аймагуудта «Сур-Харбаан-2024» Гэр бүлын жэлэй хамгаалга доро үнгэрөө.
Тон дуратай заншалта болоһон «Сур-Харбаан» һайндэртэ аймаг бүхэн дулааханаар өөрын тамиршадые угтаа. Һайндэрэй хэмжээ ябуулганууд, аймаг бүхэндэ ондо ондоогоор үнгэргэгдөө, юрэдөө олон тоото харагшадые суглуулаа. Гэр бүлын жэлдэ муниципальна образовани бүхэн өөрын шэнэ оруулалта хээ. Баяндай аймагта, һайндэрэй түүхэдэ түрүүшынхеэ, һая гэрлэгшэд Семен Халапханов ба Оксана Михайловагай ёһололой түрын гурим үнгэргэгдөө. Эхирид-Булагадай аймагта баярай колоннодо хүндэтэй олон хүүгэдтэй гэр бүлэнүүд ябаа, тэдэ гэр бүлын баялигуудай хүгжэлтэдэ ехэ оруулалта хээ.
Энэ һаруул наратай үдэр харагшад халуун тамирай тулалдаануудай гэршэнүүд болоо, баярлажа сэдьхэлээ хүдэлэлгэмэ, гоё һайхан тамирай нааданууд, творческа коллективуудай наадалганууд бүгэдэ зондо үзэсхэлэнгэй ушар болоо.
Баяндай аймагта общекомандна зачедто нэгэдэхи һуури габьяагайнь зэргээр «Нагалыг» муниципальна образованиин команда эзэлээ, хоёрдохи һуури – «Баяндай» болон гурбадахи хүндэтэй һуури «Хогот» МО-гой эзэлээ.
Буряад һурша номоор буудалгада абсолютно первенстводо бүһэтэйшүүлэй дунда Чингиз Моргоров гараа, эхэнэрнүүдэй дунда Ирина Стариковатай тэнсүү хүн байгагүй.
Бүхэ барилдаанай ябасые булта анхаралтайгаар хаража, тамиршадай түлөө һанаагаа зобожо байгаа. Дүн дээрэ Хогот нютагай ажаһуугша Вениамин Гергенов огто чемпион болоо. Эдиршүүлэй дунда – Дмитрий Барнаков.
Буряад шатар жэл бүхэн олондо мэдээжэ боложо байна. Тиимэһээ, энэ сэсэн нааданда хабаадаха дуратайшуул ходо олон байдаг. Мүнөө жэл бүһэтэйшүүлэй дунда шатараар Михаил Гармаев илалта туйлаа, эхэнэрнүүдэй дунда Анна Оршонова.
Алайрай аймагта «Сур-Харбаан» Хүтүлиг нютагта үнгэрөө. Бүхы наадануудай дүнгөөр общекомандна зачедто «Хүтүлиг» МО-гой команда илалта туйлаа, хоёрдохи һуурида «Аларь» МО, 3-хи һуурида «Ныгда» МО.
Һур харбаанаар чемпионууд Николай Семёнов ба Мария Кабакова болоо.
Буряад бүхэ барилдаанаар эдиршүүлэй дунда – Николай Семёнов, бүһэтэйшүүлэй дунда – Вячеслав Матускин болоо.
Боохон аймагта культурна-спортивна һайндэр Новая Ида нютагай «Труженик» стадион дээрэ үнгэрөө. Бүхы тамирай наадануудай дүнгөөр «Боохон» МО-гой команда илагша болоо, мүнгэн призёр «Тараса» МО-гой команда, бронзово призёр «Хо- хорск» МО-гой команда болоо.
Буряад бүхэ барилдаанда бүһэтэйшүүлэй дунда чемпион Дмитрий Зунтоев болоо, эдир залуушуулай дунда – Кирилл Казаков.
Нүхэдэй аймагта иимэ дүнгүүд гараа: нэгэдэхи һуури МО «Шаратское», хоёрдохи һуурида МО «Хадахан» болон гурбадахи һуурида МО «Новонукутское».
Буряад бүхэ барилдаанда эдир залуушуулай дунда чемпион Илья Андреев болоо, бүһэтэйшүүлэй дунда – Евгений Жербаев. Хоюулаа «Новонукутское» МО-гой түлөөлэгшэд.
Буряад һур харбаанаар чемпионууд «Шаратское» МО-гой Геннадий Ханхасов ба «Новоленино» МО-гой Валентина Бортникова болоо.
Оһын аймагта «Бильчир» МО-гой команда тамирай туйлалдаануудай чемпион болоо, хоёрдохи һурида «Оса» МО-гой тамиршад гараа болон гурбадахи һуури «Ирхидей» МО-гойхид эзэлээ.
Буряад бүхэ барилдаанда бүһэтэйшүүлэй дунда чемпион Юрий Иванов болон эдир залуушуулай дунда – Игорь Лаврентьев болоо.
Һур харбаанаар Татьяна Адамова ба Альберт Билдаков хоёр чемпионууд болоо.
Эхирэд-Булагадай аймагта бүхэ барилдаанаар чемпионой нэрэ зэргэдэ Евграф Середкин, эдир залуушуулай дунда Илья Шадаров хүртөө.
Һур харбаанаар бүһэтэйшүүлэй дунда Валентин Шоноев чемпион болоо, эхэнэрнүүдэй дунда Екатерина Хирнеткина илалта туйлаа.
Гадна, шатар нааданда хабаадагшадай дунда нэгэдэхи һууриин түлөө нааданай бэшэ туйлалдаан болоо. Эрэшүүлэй дунда Петр Петров ба Виталий Шодноев нэгэдэхи һуури эзэлээ. Эхэнэрнүүдэй дунда Аяна Хангуева илалта туйлажа гараа. 14 наһа хүсөөгүй хүүгэдэй дунда Борис Романов, басагадай дунда Елена Ефремова болоо.
Присоединяйтесь к ОК, чтобы подписаться на группу и комментировать публикации.
Нет комментариев