Олониитын соведэй шухала темэнүүд
Үнгэрһэн пятницада Усть-Ордын Буряадай тойрогой администрацида Артур Павловай хүтэлбэри доро Олониитын совет үнгэрөө.
Эндэ шухала темэнүүд хэлсэгдээ, хэдэн элидхэлнүүд шагнагдаа, гадна Олониитын соведэй 2024 оной түсэб баталагдаа.
«Сур-Харбан-2024» гэһэн можын соёлой ба тамирай һайндэрэй бэлэдхэлэй ябуулга тухай мэдээн – темэнүүдэй нэгэнь болоо. Тойрогой администарциин үндэһэтэ тамирай янзын таһагай хүтэлбэрилэгшэ Валерий Алексеев элидхэлтэй гараа, тэрэ һайндэртэ бэлэдхэл тухай, ямар ажалнууд мүнөө хэгдээд байнаб гэжэ дэлгэрэнгыгээр хөөрэжэ үгөө. Мүнөө жэл можодо зангилаата зохолооной үбшэнэй дэлгэрһэн ушарһа мори урилдаан үнгэргэгдэхэгүй гээд тэмдэглээ. Гадна Валерий Карлович Эрхүү можын тамирай командын Монгол гүрэнэй Булган аймагта 2024 оной июлиин 26-28-дэ үнгэргэгдэхэ «Алтаргана» фестивальда хабаадахын бэлэдхэл тухай хөөрөө.
Номой сангай хүтэлбэрилэгшэ Наталья Спиридонова «Проектная деятельность как способ сохранения и развития национальной культуры: из опыта работы библиотек Усть-Ордынского Бурятского округа» гэһэн темэтэй гараа. Элидхэгшын хөөрөөнэй дүнгөөр, Үндэһэтэнэй номой сан, тойрогой нютагуудай номой сангууд некоммерческэ эмхинүүдтэй хамта үндэһэтэ соёлой талаар проектна-грантова ажал ябуулга үргэжэлүүлхэ гэжэ соведэй гэшүүдээр зүблэн шиидхэгдээ.
Түрэл хэлэн дээрэ хөөрэлдэжэ байхын тула, үхибүүдэй өөрын үндэһэн ба культурна идентичность байгуулхын арга болгон, хэлэлгын оршом нээхэ тухай түрэл хэлэнэй таһагай хүтэлбэрилэгшэ Вероника Харбанова хөөрэжэ үгөө.
Вероника Валерьевнагай хэлэһээр, һүүлшын сагта буряад хэлэ үзэжэ байһан хүнүүдэй тоо олон боложо байна. Мүнөө үдэртэ тойрог соо 86 һургуулинуудта, 57 хүүгэдэй сэсэрлигүүдтэ түрэл хэлэ үзэжэ байна. Жэшээлхэдэ, 2018 ондо буряад хэлэ 68 һургуулинуудта болон оройдоол 19 хүүгэдэй сэсрлигүүдтэ үзэгдэһэн байгаа. Түрэл хэлэеэ үзэлгын тон һайн жэшээ болгон харуулбал Усть-Ордын хоёр хүүгэдэй сэсэрлигүүд болоно – «Колосок» ба «Родничок». Энэ сэсэрлигүүдтэ хүмүүжэлэгшэдэй гэртэхинтэйнь уг зорилготой ажал ябуулагдажа байна, тэдэнэй буряад хэлэ үзэхэ арга үгэн клубүүд нээгдэнэ.
Аймагуудтай хамта тойрогой администрацида билингвальна (хоёр хэлэтэй) группануудые хүүгэдэй сэсэрлигүүдтэ 2024-2025 шэнэ һуралсалай жэлһээ нээхын асуудал үзэжэ, ябуулхыень дурадхан шиидхэбэри үгэгдөө.
Людмила Буяхаева
Присоединяйтесь к ОК, чтобы подписаться на группу и комментировать публикации.
Нет комментариев