(Тагдыр)
1-бөлүм
Кызара аткан таң күндүн буулугуп ,бир көнөктөп төгүп жаап өтүшүнө белги бергендей эле. Бул да болсо күздүн акысы эмеспи. Кыз кыздай , кыш кыштай болгону жакшы деген элимде бекер айтылбаса керек. Алгачкы күндөрү болгонгобу жай да өз акысын коё бергиси келбей турганы көрүнүп турат. Дарактар толук жашыл чапанын чече элек. Мөмө жемиш кызарып бышып төгүлүп турат. Бирок сыдырым соккон жел бириндеттип кайдадыр өңү өчүп саргарып бараткан жалбыракты таап , жула качып турган учур. Бул көрүнүш адам баласынын да жүрөгүн бир титиретип өтөрү анык го. Жашоого келген менен үзүлгөн жалбырактай канча өмүрлөр үзүлүп жатат. Сен аз жашап калдың ,сен көп жашап жатасың дебестен кырчындай өмүрлөр кыйылып жатканы ачуу гана чындык го. Терең ойго баткан Бектур далайга бир ордунда жылбай туруп калды. Көз алдында жаңы гана үйлөнгөн келинчеги тартыла түштү. Экөөнөн өткөн бактылуу адам жок эле го ал учурда. Жабышкан дарт гүлдөй жаш курагында алып кетти.
- Эх -деп ,оор күрсүнүп алып ,олтурууга бош орундук издеди. Бирок көзүнө эч кандай бош орундук көрүнбөдү. Анткени орундук жок болуучу. Шылдырап аккан сууну көздөй басты. Күчү жеткенче кыйкырып алгысы келип турду ,бирок кайдан тамагы буулуп үнү чыкпай калчылдап баратты. Күн сыяктуу бүгүн Бектур да таң атпай буулугуп турду. Арадан эки , үч жыл убакыт өтсө да башка аялга көңүл бурбай , келбес жарын күтүп жашаганына ыза да болуп баратты көрүнөт. Өзгөчө болгон күчү менен айткан сөзү
-Неге ,неге мындай болушу керек эле . Тагдыр ушунчалык таш боор келесиңби? Эми гана жеткен бактымды кайда гана алып кеттиң. Убакытты даары дейсиң ,кайдан мени жалгыздык өмүргө гана жетелеп баратасың. Түнт болуп элдерге жек көрүнүп бараткандай көрүнөм. Мен сени жек көрөм өмүр , бакыт . Бирок кимге айтып жатканын өзү да билбеди . Болгону шылдырап аккан булак ,сыдырым соккон жел гана кайдадыр алып кетип жаткансыды. Болгон күчү менен жүрөгүнө таштай уюп турган арманын шамал менен сууга калтырып кеткиси келди. Жан дүйнөсү ооруп турганын адамдар кайдан гана сезсин. Ар ким өз арабасын тарткан бул бүтпөс түйшүгү көп тирүүлүктүн азгырыгы көп жашоо менен алышкан пенделер эмеспи. Аянычтуу караган көздөргө чагыла түшкөн карегин кайдадыр ала качып кетет. Каңгырыгы түтөп араң жашаган өмүрүндө экинчи бирөөнүн жүгүн кошо көтөрүп кеткиси келбейт. Далайга түрдүү ой менен алышып турду да ,чыйрыктырып турган муздак желге беттин тосуп кенен дем алып өзүн колго алган болуп , оор үшкүрүп алды. Алсыз үзүлүп түшкөн жалбырактан бирди колуна кармай жол улады.
- Алда байкушум ай ,сен да кечээ жазда баладай төрөлүп бүчүр байлап көгөрүп чыккан элең ,мына эми аз убакыт гана жашап тал башынан кулап муздак жерге жазданып түбөлүк уйкуга кетип жатасың, акырындап топуракка айланып каларга убакыт жеткен туура. Сары түскө боёлуп турган жалбырак менен сүйлөшүп баратты. Эх бул өмүр кандай гана аянычтуу , бүгүнкү жазды,эртеңки кыш муздатып кетет кандай гана аянычтуу. Бүгүнкү бакытты, эртеңки кайгы басып кеткеничи. Бир күндүк жамгыр бир канча күндүк өмүр изин тазалап жууп кеткен сыяктуу эле. Анда неге адам баласы өмүргө конок болуп туруп ушул сыноого ууланып өтүүсү керек . Бектур өз ою менен алышып келе жатып , капысынан байкабай бирөө менен кагышып да алды.
- Кечиресиз эжекебай. Дагы бир жолу кечирим сурайм - деп ,жолун улай. Колундагы жалбырак да көпчүлүктүн таман астында тебеленип калып кетти. Ыңгайсыз абалда жолун улап бара жатты. Аялдамага келип автобуска чыкканда гана оюн бузуп жиберди.
- Саламатсызбы ? Агай бул орундукка отуруп алыңыз. Эмне бир жериңиз ооруп турабы ? Жаш кыз жылып кетти , Олтурган соң гана бир далайдан кийин
- Рахмат , баары жакшы -деп жооп берди. Бирок ал учурда жанындагы кыз алда качан аялдамадан түшүп калган болуучу. Көпчүлүктүн арасынан издеп таба албай калды. Негедир жашоого бир үмүт жанган сымал боло түштү. Бирок неге экенине да акылы жетпей баратты.
Кыдырбекова Макбурат Кожошовна
Москва .2019 .Сентябрь.
Присоединяйтесь к ОК, чтобы подписаться на группу и комментировать публикации.
Комментарии 2