Предыдущая публикация
Кўнглингга йўл излаб сарсондир КЎНГИЛ,
Дунёда энг улкан армондир КЎНГИЛ.
Қисматим қошига қушдек қўндириб,
Сўнг уни суй, деган фармондир КЎНГИЛ!
Кўшкида сенингсиз мавжлари йўғим,
Куйлар қўшиқларда авжлари йўғим.
Сиртидан уйида тўй бўлгандек шод,
Ичида мотамдек хажвлари йўғим!
Пойингга жонини тўшагангинам,
Изларинг ишқида яшагангинам,
Ўзи энг тик тоғдан тушиб келгану,
Сен деб тутқин қулга ўхшагангинам!
Ишқингдан ўзга йўқ молу-давлати,
Васлинг малҳамию, ҳуснинг қуввати,
Ҳаёт зарбларидан тилим-тилиму,
Сенга ёрлик унинг кибор савлати.
Исминг муножоти, куйловчи КЎНГИЛ,
Сени ҳокимликка сайловчи КЎНГИЛ.
Ўзини овлашга бирон марди йўқ,
Тинмай сени кўнглинг овловчи КЎНГИЛ
❤️❤️❤️❤️❤️
🌹🌹🌹🌹🌹
Присоединяйтесь к ОК, чтобы подписаться на группу и комментировать публикации.
Комментарии 11