Пастарайся зрабіць яго больш экалагічным. 💚
Вось некалькі асноўных парад:
🛤 Калі ёсць магчымасць, выбірай цягнік замест самалёту. Самалёт – самы неэкалагічны від транспарту.
🧳 Падарожнічай улегцы. Бяры з сабой толькі неабходнае. Аб’ём выкідаў парніковых газаў залежыць ад вагі транспарту, таму чым менш важыць твой багаж – тым лепш. Замест папяровай кнігі вазьмі электронную, касметычныя сродкі пералі з вялікіх ёмістасцяў у маленькія ці замяні на цвёрдую касметыку, якая мала важыць і якую зручна браць з сабой.
🌦 Паглядзі прагноз надвор’я загадзя. У залежнасці ад прагнозу паклапаціся пра галаўны ўбор ці дажджавік, каб не купляць новыя кепкі, капелюшы ці аднаразовыя дажджавікі.
☕️ Карыстайся шматразовым у дарозе, кафэ, на рынках, у гатэлях. Вазьмі сваю шматразовую торбу і мяшочкі, прыборы, кубак, бутэльку і кантэйнер. Ваду можна набіраць у сваю бутэльку ў гатэлі ці пітным фантане, каб не купляць бутэлечную. Лепш узяць сваю маску для сну, берушы і тапкі, каб не рабіць залішніх пакупак і не карыстацца аднаразовымі рэчамі, якія прапануюць гатэлі і хостэлы.
🗑 Сачы за сваімі адходамі. Раздзяляй іх па мясцовых правілах утылізацыі.
🐚 Не забірай нічога з прыроды на памяць. Камяні, расліны, пер’е, косткі, галіны, лісце, ракавінкі пакінь, каб не наносіць шкоду прыродзе і культурнай спадчыне. На памяць табе застануцца ўражанні і фотаздымкі.
Падзяліся ў каментарах сваімі экапарадамі для турызму, якіх няма ў гэтым спісе. 🙌
📷 На фота Уладзіміра Бондара чайка-рыбачка.
Присоединяйтесь к ОК, чтобы подписаться на группу и комментировать публикации.
Нет комментариев