Предыдущая публикация
“Мядзведзь не хоча цябе з’есці!
Калі ён можа, то пазбягае канфлікту” 🙌
🐻 Так лічыць славацкі заолаг Міхал Харынг, які займаецца вывучэннем мядзведзяў ужо болей за 17 гадоў: “Калі сустрэнеце мядзведзя – галоўнае – не ўцякаць і не крычаць”.
Міхал разважае, што праблему ўзаемаадносін гэтага буйнога звера і чалавека трэба вырашаць розумам, а не свінцом. Калі людзі думаюць, што пасля адстрэлу мядзведзі навучацца пазбягаць людзей, яны памыляюцца. Трэба вучыцца суіснаваць і самім не прывабліваць да жытла мядзведзяў, што ненаўмысна многія робяць.
У Славакіі часткова вырашылі праблему №1 у стасунках паміж мядзведзем і чалавекам. А гэта адкрытыя кантэйнеры для адходаў.
Такія кантэйнеры прывабліваюць мядзведзяў у вёскі смачнымі пахамі. Навошта гадзінамі збіраць ягады, калі можна хутка знайсці ежу ў сметніцы? Міхал з аднадумцамі дапамаглі ўсталяваць у вёсках закрытыя кантэйнеры, абароненыя ад “узлому” мядзведзямі. Дзякуючы гэтай ініцыятыве, за тры гады значна скарацілася колькасць наведванняў мядзведзяў у населеныя пункты.
Папуляцыя мядзведзяў у Беларусі вырасла. Праблема адкрытых кантэйнераў для аходаў у вёсках актуальная і для нашай краіны. Па-першае, трэба папярэдзіць людзей у вёсках не выкідваць у кантэйнеры ежу, а па-другое, трэба пераняць дызайн кантэйнераў, напрыклад, у Славакіі, Расіі ці Амерыцы і забяспечыць імі ў першую чаргу “мядзведжыя” раёны нашай краіны.
📷 Фота LTapsaH, Pixabay.
Следующая публикация
Нет комментариев