Предыдущая публикация
Як табе ліпеньская спёка?
🌡 Рэкордныя тэмпературы на планеце трымаюцца ўжо больш за год. Чэрвень 2024 года стаў самым цёплым у свеце месяцам за ўсю гісторыю метэаназіранняў і 13-м рэкордна цёплым месяцам запар.
У Беларусі сярэдняя тэмпература паветра ў чэрвені склала +18,9 градусаў, што вышэй за кліматычную норму на 1,9 градуса. А ліпень абрынуў на беларусаў анамальную спёку, град велічынёй з курынае яйка, буры і шквалістыя вятры. Не абышлося нават без чалавечых ахвяр. 😥
Больш частыя экстрэмальныя пагодныя з’явы - наступства глабальнага змянення клімату. На жаль, у будучыні такія пагодныя катаклізмы будуць здарацца часцей.
💧 Змякчыць наступствы зменаў клімату могуць дапамагчы дзікія рэкі, калі захоўваць іх у натуральным стане. Па рацэ, якую пераўтварылі ў роўны канал, вада сплывае хутка, не затрымліваючыся. А па звілістым рэчышчы вада цячэ марудна.
Дзікія рэкі маюць меандры і старыцы, якія затрымліваюць ваду. Гэта прыродная абарона ад засухі і рэгуляванне клімату на мясцовым і рэгіянальным узроўнях.
📷 На фота рака Котра ў Гродзенскай вобласці, архіў ТАА “Дзікая прырода”.
#дзікіярэкі #свабодныярэкі #freerivers #wildrivers
Следующая публикация
Нет комментариев