САЮВЛАР
***
Элемки, белемки,
Темир теки
Сексен эки бызылдавукъ,
Бозма таякъ.
Акъ къуш, кок къуш,
Бош агъыз тилинъни къыс.
***
Давул такътым бойнума,
Чыкътым деве ёлуна.
Деве ёлу бит базар,
Бит базарда аюв бар.
Аюв мени къоркъузды,
Къулагъымны чынълатты.
***
Эннан меннан,
Таштан ёнгъан,
Обачыкъ, тёпечик,
Къара козь копечик.
***
Ини пини инкаторы,
Шакир макир помидоры,
Аз пас, къызыл къас
Натария фындыкъ.
***
Ирлик дирлик,
Дир къанджалыкъ,
Факъкъа фукъкъу,
Фукъ къанджалыкъ,
Эс бес,
Дыкъкъай сес,
Дыкъкъай бабай,
Чыкъ да кес.
***
Эвелеме, девелеме
Деве къушу къувалама,
Аббель, туббель
Тази, тузы
Бербер къызы
Не вакъыт чыкъаджакъ?
Яздан, буздан,
Бир авуч туздан,
Леппей чувал, чыкъ.
***
Ине ине, уджу дёгме,
Бельбелине белине
Чам агъачы чатыр кечи,
Къоз агъачы къотур кечи,
Аббель дуббель, ярыл юрул,
Чыкъ да къуртул.
***
Абалама, дырбалама,
Дайым къызын къорчалама.
Ал пул, оп пул
Чыкъ да къуртул.
***
Ине ине, Иззет ине,
Белиювардан бакъыр ине,
Шам дедим – шора,
Кумюш дедим – пара,
Ал алдым, ёл алдым,
Арыл, ёрул,
Чыкъ да къуртул.
***
Элеме, белеме,
Чешча чюре,
Зенге бенге,
Араба къапы,
Тас, тыс,
Анда мында
Ерге пыс.
***
Ина-ина, эзетина,
Бельбаби не бекир ине,
Ша маин, шатыр гъайын,
Эбабилинъ, чыкъсын тили.
***
Эбелеме, бебелеме,
Дайынъ къызын тёпелеме.
Аппал, уппал,
Джаиль, джоюл,
Чыкъ да къуртул.
***
Элим, белим,
Тахта телим.
Сыгъырым сагъдым
Ичмек ичюн,
Сыгъыр тепти,
Хораз отти,
Бульбуль санъа
Селям этти.
Селями, салями
Къайда къалгъан
Шу мали.
***
Ёлдан таптым бир ине,
Бардым бердим анеме,
Анем берди бир деве,
Миндим кеттим дайыма.
Дайым бекмез къайната,
Къызлар къашыкъ ойната.
Оп, оп девелер
Къарасувдан келелер.
Ягълы ягълы пителер
Алып алып кетелер.
***
Баш пармакъ
Баш бакъа,
Улам пармакъ
Ун элей.
Орта пармакъ
От якъа,
Аджи Ибраим
Ат бакъа,
Кичкене биби
Къазаннынъ тюбюни къыра.
***
Эвелеме, девелеме.
Деве къушу къувалама
Эль бер, къум бер,
Эски чембер.
***
Элиф, бе, те, се,
Джим, даль, косе,
Анем мамайчыкъ берсе:
Къарнынъ ачса,
Къыргъа къач,
Къырдан санъа
Къыркъ къалач.
Отуз докъузын аша
Бирин манъа
Ал да, къач!
***
Эки секиз, бир докъуз,
Эм йигирми, эм отуз.
Бешке болип, бир къошсанъ.
Он алтыдыр – инансанъ.
Инанмасанъ, сай да бакъ,
Он алтыдыр о мытлакъ.
ЭРИШТИРЮВЛЕР
***
Оймакъ агъыз, фындыкъ бурун,
Юзюм козь, къалем къаш
Тахта манълай,
Къабакъбаш.
***
Чарыкъ агъыз, чокъмар бурун
Патлакъ козь, чатма къаш,
Араба къапу,
Сенек сапу,
Къолда ташы,
Эльде ашы,
Битли башы.
***
Тишсиз папу,
Араба къапу
Гъыч, гъыч, гъыч.
***
Масал, масал мас,
Османнынъ башы таз.
Тюшер къуюгъа чыкъмаз,
Олур онъа алты ай яз.
***
Айник, байник,
Балабан чайник
Эски де, фери де
Алиме, Коки, Шериде
Присоединяйтесь к ОК, чтобы подписаться на группу и комментировать публикации.
Нет комментариев