Нахустин бозии мунтахаби ҷавонони Тоҷикистон дар CAFA 2024 бо пирӯзӣ анҷом ёфт.

Тими Тоҷикистон дастаи Афғонистонро бо ҳисоби 1:0 мағлуб кард.
Рақиби навбатии даста дар гурӯҳи "А" Қирғизистон хоҳад буд.

Лукашенко созишномаи тиҷорати озод миёни Эрон ва ИИАО-ро тасвиб кард.

Зери ин созишнома Александр Лукашенко имзо гузошт. Қаблан созишномаро порлумони ин кишвар дар авохири моҳи июн тасвиб карда буд.
Гуфта мешавад, ки созишнома коҳиш ё аз байн бурдани монеаҳои таруфавӣ ва ғайритаруфавӣ, пуштибонӣ аз ҳамкориҳои иқтисодӣ ва тиҷоратӣ дарбар мегирад.
Ҳамчунин ин созишнома ба соддагардонии тиҷорат байни кишварҳои Иттиҳодияи иқтисодии АвруОсиё ва Эрон мусоидат мекунад.

Ҷудокори навраси тоҷик дар Қазоқистон медали тило гирифт.

Муҳиддин Асадуллоев дар вазни то 73 кг нишони заррини Ҷоми Осиё оид ба ҷудо миёни наврасонро азхуд кард.
Акс бо мдали тилои ин мусобиқаро Telegram - канали марбут ба шаҳрдории Дуанбе нашр кард ва ҷудокори наврасро муборакбодӣ кард.

"Истиқлол" ба Минск сафар кард.

Ин даста барои анҷом додани ҷамъомади тамринию таълимӣ ба пойтахти Белорус сафар кард, хабар дод ФФТ.
Ба иттилои манбаъ, сафари тими пойтахт то 20 июл идома мекунад ва то ин муддат футболбозони тоҷик се бозии назоратӣ анҷом медиҳанд.

Чин дар Тоҷикистон бузургтарин нерӯгоҳи офтобӣ месозад.

Тибқи қарордоди Вазорати рушди иқтисоди Тоҷикистон ва ширкати “Eging PV Technology Co., LTD” он дар МОИ “Панҷ” дар масоҳати 250 гектар сохта мешавад.
Дар марҳилаи аввал сохтмони зеристгоҳи барқии офтобиро бо маблағи 150 млн доллар роҳандозӣ мешавад.
Маблағи умумии сармоягузорӣ дар чор марҳила 1,5 млрд долларро ташкил медиҳад.

Барои кишварҳои узви ИИАО китоби дарсӣ оид ба таърихи Ҷанги Бузурги Ватанӣ таҳия карда мешавад.

Ин пешниҳодро Кумитаи Думаи давлатии Русия дар умури ИДМ ба миён гузоштааст.
— Барои тартиб додани лоиҳаи китоби дарсӣ гурӯҳи корӣ ташкил карда мешавад,
— ташаббусро аъзои Ҳизби коммунисӣ Юрий Афонин дастгирӣ кард.

Раҳмон бо Ҷинпин чиро баррасӣ кард.

Дар Қасри миллат мулоқоти ҳайатҳои ду кишвар баргузор шуд ва чанд масъалаеро дар зер меорем, ки мавриди баррасии роҳбарони ду кишвар қарор гирифт:
сармоягузории Чин дар соҳаҳои саноат, энергетика, нақлиёт ва кишоварзии Тоҷикистон бояд бештар шавад;
Тоҷикистону Чин дар кишварҳои ҳамдигар Рӯзҳои фарҳангӣ баргузор мекунанд;
Чин барои донишҷӯёни тоҷик бурсияҳои бештар ҷудо мекунад;

Таваҷҷӯҳи донишҷӯёни тоҷик ба муассисаҳои олии Чин афзудааст.

Эмомалӣ Раҳмон дар мулоқот бо роҳбари Чин изҳор дошт, ки шумораи донишҷӯёни тоҷик, ки дар муасисаҳои олии Чин таҳсил мекунанд тақрибан 3 баробар зиёд шудааст.
Шумораи дақиқи донишҷӯёни тоҷик дар муассисаҳои Чинро аз тасвирбаёни @Sputnik_Tajikistan бинед.