Пси кизоть пянакудоц явась,
И олась сенем менель тюссь.
А атясь велеста кинява
Канкс мархта ошень шири тусь.
Прянц вельхксса нармотть лийсть, юватькшнесть,
Мяштьс сексень варматне уфасть.
Аф пелезь инголи мольсь атясь
И пильгса вайгяльбет чуфась.
Катк тюсне перьфпяльге аф мазыхть,
И атять щамнянза катк таштт,
Кинь васьфти – лямбе ванфонц кази,
И пеетькс каземонга маштсь.
А сизи – кить трваса ваймяй,
Кшиняда-мезьда пори тязк.
И тага ётай пакся, лайме,
Итьф лафтубрязонза рюкзак.
Аф кизос коре канксоц стака,
Сон пачфтьсы эрявикс вастс канксть.
И катк пильгалдонь киц кувака,
Аф анзяй атясь шкайгинц лангс.
Кинь поладыец атять ули, –
Вдь идень идец шачсь исяк! –
Ки лангса вайгяльнянц сянь кули,
И сталмот кирди сон аф стак.
Николай Циликин
Присоединяйтесь к ОК, чтобы посмотреть больше фото, видео и найти новых друзей.
Комментарии 1