Сембе пассажирхне мзфса удыхть,
Улема, мон ськамон аф удан.
Оцю ошста ардан шачем куду,
Васедемань пингть эса учан.
Поездсь вишкста инголи коль арды,
Сюволян вельхкс ала прокс унжа,
Таколдомань мяльнень еран кардамс,
Тиемс тянь, нать, эрьгадон кржа.
Анокс няйса арьсеманень вельде:
Аськолдан порогоняньконь вельф,
Ктмордаса дядянязень кельгозь…
Сельмозонза варжакстомась пелькс.
Муворшидон инголенза лама,
Пежень толса седизе юрнай.
Пелян, валонь апак аст уркстсамань,
Сельмоведняц шарженень лангс прай.
Няйса, озаф алязе моркш ваксса, -
Пильге лангс стямс эрьгац аф ли аш?! -
Кядезень шумбракстамс виздезь максса,
Васедихть минь кядьлапшенке - лаш!
…Колма шит ни шачем куду ардан
(Кодама кувака мельдень весь!),
Варьхмодемас, надиян, судардан,
Пачкодян мон ванды кизень пес.
Присоединяйтесь к ОК, чтобы посмотреть больше фото, видео и найти новых друзей.
Комментарии 9