Предыдущая публикация
ВАНОМАТЬ ИНГОЛЕ
(«Авань вайме эрьхкста» стихонь кярьмазста).
Тяни ваномав шуроста варжакшнян, -
Тя пингть эстейне арси цють визькс, -
Няян шяярьстон рана праф шарженень,
Пяшкодсь китькста монь шамасон киськсь.
Улень мазыня, кельговикс одняста,
Перьфкан цератне атякшекс кштисть.
Ков тусь мазышись моньцтон - аф содаса…
Мезе мархтон, ватт, вишке пингсь тись!
Лаподсть шамазон эряфонь кизоне,
Синь аф теждятольхть, сельмоветть нильфтсть.
Тяни сокорготф сельмоне кизефнихть:
«Кинне глянцть лангса тяфтама цильфсь?»
Ванан ваномать глянцень крхкалмонцты,
Няян тоста, ужяль, аньцек фкя:
Видефт шамазон шкайгизень сталмонза
Да трванень лангс кяшф мзолфкя.
Присоединяйтесь к ОК, чтобы посмотреть больше фото, видео и найти новых друзей.
Нет комментариев