❤️❤️❤️❤️
Ба устодони гиромиқадр Ҷӯрабек Муродов, Ҷӯра Юсуфӣ ва Тоҳирҷон Ҷӯраев
----------------
Ҷӯрабеку Ҷӯрабойу Ҷӯразод,
Тоҳиру Юсуфиву пури Мурод.
Авваливу дуюмӣ воломақом,
Сеюмиро ҳурматаш аз ҳад зиёд.
Ҳофизу устоди санъат аввалӣ,
Шоир асту дуюмӣ аҳли савод.
Сеюмиву чорумӣ шогирдашон,
Шеъри ин, оҳанги он бигрифта ёд.
Ҷӯрабекаш шодиҳо орад ба дил,
Ҷӯрабойро хомааш омад ба дод.
Ҷӯразода хонда ин, бишнида он,
Ҷӯразоди чорумин гардида шод.
Булбули боғу чаман, ар ҳофизаш,
Ранги килки шоираш, оби ҳаёт.
Тоири хушчаҳчаҳест, ин сеюмӣ,
Болад аз се он ки бар дурӣ фитод.
Ҷӯру бардам монда умре чорашон,
Ҷӯрагиҳошон ҳаме поянда бод.
Доимо дар зери ин чархи кабуд,
Бо дуо бошад ба се, ин Ҷӯразод.
Присоединяйтесь к ОК, чтобы посмотреть больше фото, видео и найти новых друзей.
Нет комментариев