Сон дзіцячы - гарэзлівы, смачны,
Калі пешшу пад стол шчэ хадзіў,
Вочкі сплюшчыўшы, мог ты пабачыць.
За дзень сонейкам абагрэты,
Напляскаўшысь у цеплай рацэ,
Засынаў, бывала, адзеты
З куском перніка у руцэ.
Бачыў ў снах не страшылкі-кашмары,
А вяселку над квітнеючым полем,
І усмешка на бязхітрасным твары
Узнікала што раз самаволі.
Не магло сон салодкі парушыць,
Калі мама, як з лялькі, з цябе
Кашулю сцягвала з галавы праз вушы-
Чуць пасопываў і засынаў глыбей.
Спі мурзацік - за дзень хапіла -
Вунь, аж бурбалка з рота пайшла -
Мамка коўдрай утульна накрыла,
Слюнькі хустачкай з вуснаў зняла.
А ў сне бачыцца- на качэлях
Узлятаеш да самай столі,
Дзе вяроўкі скрыпіца на бэльках,
І потым ўніз ляціціш павольна.
Налятаешся за ноч без крылаў,
Можа ўдасца і рыбку злавіць,
І забудзеш усе, што было,
Не паспеўшы вочак адкрыць.
Тут галоўнае, калі сніцца рыбка
І вадзічка зазыўна журчыць-
Да гаршка бегчы трэба шыпка,
А то можна і ў ложку па плыць.
Г. Ш. 20.06.24
Присоединяйтесь к ОК, чтобы посмотреть больше фото, видео и найти новых друзей.
Нет комментариев