Рост ёлғонга айланган замон,
Ноҳақ ҳақни алдаган ҳамон
Эртанги кун бугундан ёмон
Сизни соғиндикку Ё Росулаллоҳ!
🔹
Катталарга ҳурмат йўқолган онда
Кичикларга иззат йўқолган онда
Бадавлатдан ҳиммат йўқолган онда
Сизни соғиндикку Ё Росулаллоҳ!
🔹
Эрлар эрлигин унутган чоғда
Аёллар борлиғин безантирмоқда
Ҳижоллат, шижоат қолган тупроқда
Сизни соғиндикку Ё Росулаллоҳ!
🔹
Дегандингиз Ислом ғариб бошланди
Кўп ўтмай орадан ғариблашади
Ғарибларни кўриб кўнглим ғашланди
Сизни соғиндикку Ё Росулаллоҳ!
🔹
Мусулмонман деган тўлиб-тошади
Дунё деса тоғу-тошдан ошади
Нафснинг хоҳишига елдек шошади
Сизни соғиндикку Ё Росулаллоҳ!
🔹
Дунё ўзлигини кўз--кўз қилмоқда
Кўзлар ҳам қамашиб йўлдан тоймоқда
Барчамизга шайтон ҳукмин ёймоқда
Сизни соғиндикку Ё Росулаллоҳ!
🔹
Пайғамбарлик тожи сизда тўхтамиш
Саодат асри ҳам сизла ўхшамиш
Қалбим қайғуларин соғинч ўртамиш
Сизни соғиндикку Ё Росулаллоҳ!
🔹
Намунасиз қолди Навоийлар ҳам
Ортга қайтмас энди саҳобийлар ҳам
Амалу-тақвода фидоийлар кам
Сизни соғиндикку Ё Росулаллоҳ!
🔹
Омоонатдорликда олий мақомсиз
Олийжанобликда қоил мақомсиз
Буюк хулқ узрасиз бешак, нуқсонсиз
Сизни соғиндикку Ё Росулаллоҳ!
🔹
Абдулмуттолибнинг ўғли Абдуллоҳ
Юқорига чиқсанг насаб мисли шоҳ
Шунчалар бўлурми юксаклик эй воҳ
Сизни соғиндикку Ё Росулаллоҳ!
🔹
Жаннат ҳам оналар оёғидадур
Омина, Ҳалима гўзал онадир
Офтоб ҳам ҳаёдан куйиб ёнадир
Сизни соғиндикку Ё Росулаллоҳ!
🔹
Фотима онадир илғай бошлаган
Аҳволингиз кўриб йиғлай бошлаган
Фироқ фаносида ўттиздан ошмаган
Сизни соғиндикку Ё Росулаллоҳ!
🔹
Ҳадича онамдир сизга меҳрибон
Берган эди сизга молу-мулк ҳам жон
Жаннатда ҳам бўлсин сизга ёнма-ён
Сизни соғиндикку Ё Росулаллоҳ!
🔹
Оиша онамни айтмасам бўлмас
Унинг айтганлари ҳеч қачон сўнмас
Қанча айтган билан кўнгил ҳам тўлмас
Сизни соғиндикку Ё Росулаллоҳ!
🔹
Имоми Ҳасан ва имоми Ҳусайн
Жаннат райҳонидир яхшироқ билсанг
Соғиниб борурман ўтган кун сайин
Сизни соғиндикку Ё Росулаллоҳ!
🔹
Адолатли эди Умарларингиз
Маҳобатли эди Сиддиқларигиз
Усмон ҳам Алидир таянчларингиз
Сизни соғиндикку Ё Росулаллоҳ!
🔹
Абу Ҳурайрадир ҳадис бобида
Абу Убайдадир мард майдонида
Чидаб туролмасдик бўлсак ёнида
Сизни соғиндикку Ё Росулаллоҳ!
Саййид Аҳмад Маҳмуд.
Присоединяйтесь к ОК, чтобы посмотреть больше фото, видео и найти новых друзей.
Нет комментариев