Сахих Хадис ва Ривоятлар

Масжидул Ақсони ким қурган? Бисмиллаҳир Роҳманир Роҳийм. Аллоҳ таолога битмас-туганмас ҳамду санолар, Пайғамбаримизга мукаммал ва батамом салавоту дурудлар бўлсин. Пойдеворга асос солиниши Абу Зарр розияллоҳу анҳу айтади: «Эй Аллоҳнинг Расули, ер юзида қайси масжид биринчи бўлиб қурилган?» дедим. У зот: «Масжидул Ҳаром», дедилар. «Кейин қайси?» дедим. У зот: «Масжидул Ақсо», дедилар. «Икковининг орасида қанча ўтган?» дедим. У зот: «Қирқ йил. Қачон бўлмасин, сенга намоз тўғри келса, дарҳол ўқиб ол, чунки фазилат шунда», дедилар» (Бухорий ривоят қилган). Одам алайҳиссалом Қуртубий айтади: «Байтул Мақдисни биринчи бўлиб ким қургани ҳақида ихтилоф бор. Ривоят қилинишича, биринчи бўлиб Байтни, яъни Байтул Ҳаромни Одам алайҳиссалом қурганлар. Байтул Мақдисни у кишидан қирқ йил кейин ўғиллари қурган бўлиши мумкин. Аллоҳнинг изни билан фаришталар пойдевор қургандан кейин Байтни қурган бўлишлари ҳам мумкин. Ҳаммасининг эҳтимоли бор. Валлоҳу аълам» («Жомеъ ли аҳкаамил Қуръан», 4-жилд, 138-бет). Ибн Ҳажар «Фатҳул Борий»да шундай деган: «Масжидул Ақсони биринчи бўлиб Одам алайҳиссалом қурган. Фаришталар, Сом ибн Нуҳ алайҳиссалом, Яъқуб алайҳиссалом ҳам қурган дейишади… Мен «Одам алайҳиссалом иккала масжидни ҳам қурган» деганларни қувватловчи далилни топдим. Ибн Ҳишом «Китобут-тийжон»да: «Одам Каъбани қургач, Аллоҳ унга Байтул Мақдис сари бориб, уни ҳам қуришга буюрди. У зот уни қуриб, унда ибодат қилдилар», деган». Суютий «Сунану Насоий»нинг шарҳида шундай деган: «Масжидул Ақсони Одам алайҳиссаломнинг ўзи барпо қилган. Иброҳим ва Сулаймон алайҳиссаломлар эса уни янгилашган». Иброҳим алайҳиссалом Ибн Ҳажар Асқалонийнинг айтишича, Ибн Жавзий Набий соллаллоҳу алайҳи васалламнинг «Қирқ йил» деган сўзларининг шарҳида бу мантиқан тўғри кемаслигини айтган. Чунки Масжидул Ҳаромни Иброҳим алайҳиссалом қурган, Байтул Мақдисни Сулаймон алайҳиссалом қурган дейдиган бўлсак, ораларида минг йилдан кўп муддат бор. Кейин Ибн Жавзий бу номувофиқликка шундай жавоб берган: «Каъбани илк бор қурган зот Иброҳим алайҳиссалом эмас. Байтул Мақдисни илк бор қурган зот Сулаймон алайҳиссалом ҳам эмас… Бизга ривоятларда етиб келишича, Каъбани илк бор Одам алайҳиссалом барпо қилганлар. Кейин у зотнинг авлодлари ер юзида тарқаб кетишган. Уларнинг бири Байтул Мақдисни қурган бўлиши мумкин. Кейин эса, Қуръонда айтилганидек, Иброҳим алайҳиссалом Каъбани қурганлар» («Фатҳул Борий», 6-жилд, 407-бет). Қуртубий шундай деган: «Бу ҳадис Иброҳим ва Сулаймон алайҳимассалом биринчи бўлиб икки масжиднинг пойдеворига асос солганига далолат қилмайди, уларнинг ишлари бошқалар қурган масжидни янгилаш бўлган». Аксар муфассирлар «Иброҳим алайҳиссалом Масжидул Ақсони рисолати ва даъватига иймон келтирган фарзандлари ва зурриётларидан иборат бўлган мусулмон умматига масжид бўлиши учун унинг биносини янгилаган», дейишади. Масжидул Ақсога имом бўлиш Иброҳим алайҳиссаломнинг солиҳ зурриётлари қўлида давом этиб келган. Ибн Касир шундай деган: «Яъқуб ибн Исҳоқ алайҳимассаломнинг даврида Масжидул Ақсонинг Иброҳим алайҳиссалом қуриб кетган биноси эскириб кетганидан кейин қайта қурилган» («Бидоя ван-Ниҳоя», 1-жилд, 184-бет). Шиҳобиддин Мақдисий шундай деган: «Бу иш бинони янгилаш бўлган» («Мусийрул ғаром», 134-бет). Сулаймон алайҳиссалом Мусулмонлардаги ишончли, собит шаръий далилларга кўра, Масжидул Ақсони Сулаймон алайҳиссалом қурганлар. Лекин у зот пойдеворга асос солмаганлар, балки масжиднинг биносини ибодат қилиш учун тайёрлаб, кенгайтириб, янгилаганлар. Насоий, Ибн Можа ва бошқалар Абдуллоҳ ибн Амр ибн Осдан қилган ривоятда Набий соллаллоҳу алайҳи васаллам шундай деганлар: «Сулаймон ибн Довуд Байтул Мақдисни қуриб бўлгач, Аллоҳдан учта нарса сўраганлар: У Зотнинг ҳукмига тўғри келадиган ҳукмни, ўзидан кейин ҳеч кимга берилмайдиган салтанатни, бу масжидга фақат намоз ўқиш учунгина келган ҳар бир одамни гуноҳларидан худди онасидан туғилгандек (поклаб) чиқаришини. Менга иккитаси берилди. Учинчиси ҳам берилишини умид қиламан». Имом Нававий «Саҳиҳ Муслим»нинг шарҳида шундай деган: «Бу икки масжиднинг пойдеворига асос солган зот Одам алайҳиссалом экани ворид бўлган. Шу билан бирга Иброҳим Масжидул Ҳаромни, Сулаймон Байтул Мақдисни қургани, орада қирқ йил ўтгани ҳақидаги бироз ихтилофлар бор. Демак, бу икки зот бинони фақат янгилаган, холос деган хулоса келиб чиқади». Қуртубий «Жомеъ ли аҳкамил Қуръан»да шундай деган: «У Зотнинг «Эсла, вақтики, Иброҳим билан Исмоил Байтнинг пойдеворларини кўтараётиб…» деган ояти ҳамда Насоий ривоят қилган ҳадис Иброҳим ва Сулаймон алайҳимассаломнинг пойдеворга асос солганига эмас, балки бошқалар асос солган бинони янгилаганига далолат қилади». Имом Бағавий ўз тафсирида шундай деган: «Байтул Мақдис Бухтанассир ғазот қилгунича Сулаймон қуриб кетган шаклда бўлган. У шаҳарни харобага айлантириб, масжидни бузиб, шифти ва деворларидаги тилла, кумуш, дур, ёқут ва бошқа жавҳарларни олиб, Ироқ еридаги ўз мамлакатига ташиб кетган, дейишади». Кўриниб турибдики, Сулаймон Байтул Мақдисда қилган иши Ҳайкалнинг пойдеворига асос солиш бўлмаган, балки муборак Масжидул Ақсони янгилаш бўлган. Худди Иброҳим алайҳиссалом Масжидул Ҳаромни янгилагани каби. Масжидул Ақсо Сулаймон, Мусо, Яъқуб ва Иброҳим алайҳимуссаломлардан олдин ҳам бўлган… «Масжидул Ақсо: ҳақиқат ва тарих» китобидан Муҳаммад Али Муҳаммад Юсуф таржимаси.

Ҳар бир муваффақиятли эркакнинг ортида буюк аёл туради.

Биз мусулмон эмасмиз, аммо ҳали инсонилигимизни йўқатганимиз йўқ! Ғазога озодлик!!! Лондон, Англия.

Муқаддас китобларда мусулмонлар бир бирларига биродардир деб айтилган. Ўзини мусулмон деб даъво қилувчилар бир куни биродарларимиз ҳақида, Фаластин ҳақида, Ғазо ҳақида, Исмоил Хония ҳақида, Яҳё Синвар ҳақида, олтмиш минг бегуноҳ диндошларимиз ҳақида сўраламиз... Нафақат Фаластин ҳақида балким ер юзининг қайерида мусулмон бўлмасин ҳар бири учун албатта сўроқланамиз мана шу кунга таёргарлик кўринг!

Айтиш оғир бўлса ҳам...

«Мен бу кастюмни ечмоқчиман. Ёқтирмаганим ҳолда, сиёсат деб кийдирдилар менга буни». Эгнида ҳужум камзули, ёнида қурол ва қони энг яхши кўрган тупроғига тўкилган ҳолда шаҳид бўлди. Эркак бўлиб туғилди, эркакдек яшади ва ўзи хоҳлаганидек шаҳид мақомида ўлим топди. Аллоҳ ундан рози бўлсин

Ҳой, мусулмонлар!!! Байрамингиз муборак бўлсин! Инна лиллаҳи ва инна иллайҳи рожиъун!

🇺🇿🇵🇸 Ўзбекистон урушда жабрланган фаластинлик болалар ва аёлларни ўз шифохоналарида беғараз даволашга тайёр - Шавкат Мирзиёев Ўзбекистон Республикаси Президенти Шавкат Мирзиёев навбатдан ташқари араб-ислом саммитида нутқ сўзлади.

Қиёмат куни пайғамбар соллаллоҳу алайҳивасаламнинг Ҳавзи Кавсарни ичмоқчи бўлган умматларини Фаришталар уруб узоқларга учуриб юборганида Расули акрам соллаллоҳу алайҳи васалам: «У менинг умматим!» деганларида «Сендан кейин нима қилганини билмайсан» деб жавоб қилинган (имом Муслим ва Термизий)ҳадисни маъносини бугунги кунда тушуниб етаётгандекман гўё...

ЯҲУДИЙЛАРНИНГ АФРИКАДАГИ “ВАТАНИ” 19-асрнинг охири ва 20-асрнинг бошларида Шарқий Европа ва Россияда яҳудийларга нисбатан кучли антисемитизм ва таъқиблар кузатилган. Германияда Гитлер бошчилигидаги фашистик тузумнинг ҳукуматга келишидан аввал эди. 1903 йилда Британиянинг мустамлакачилик ишлари котиби Жозеф Чемберлен Шарқий Европа ва Россиядаги таъқибга учраётган яҳудийлар учун хавфсиз бошпана сифатида Шарқий Африканинг бир қисмини тақдим этиш ғоясини илгари сурди. Бу таклиф "Уганда режаси" номи билан машҳур бўлиб, ўша даврда Усмонийлар мулки бўлган Фаластин ўлкасида яҳудийлар учун давлати барпо этиш бўйича ғаразли режага муқобил ечим сифатида таклиф этилган эди. Бу таклиф яҳудийларнинг етакчиси Теодор Герцл томонидан вақтинчалик чора сифатида қабул қилинди, чунки у вақтда яҳудийлар учун Фаластинда ватан барпо этиш имкони йўқ эди. Британия Шарқий Африкадаги ҳозирги Кения ва Уганда ҳудудларини бу мақсад учун ажратишга тайёр эди. Бироқ, "Уганда режаси" яҳудийлар ҳаракати ичида кўплаб баҳсларга сабаб бўлди, чунки кўпчилик яҳудийлар ватани айнан Фаластинда ташкил этилишини ёқлаб чиқди. 1905 йилда Яҳудийлар Конгресси бу режани рад этиб, Фаластин диёрини эгаллаб олишга қаратилган ҳаракатларни давом эттиришга қарор қилди. Шундай қилиб, Уганда режаси амалга ошмай қолди. Бу ҳам хайрликкадир, иншааллоҳ. Зеро, “Роббинингиз фил эгаларини нима қилганини кўрмадингизми? Уларнинг макру ҳийласини барбод этмадими?!”