▫ Японія і Паўночная Македонія далучыліся да заявы з нагоды Украіны. Цяпер у Міжнародным судзе супраць Расеі выступіць 41 краіна.
▫ Рэджэп Эрдаган: «Недастатковая рэакцыя сусветнай супольнасці на акупацыю Расеяй Крыму ў 2014 годзе прывяла да цяперашняй агрэсіі Расеі супраць Украіны».
▫ ЗША ўводзяць санкцыі ў дачыненні да Генадзя Зюганава.
▫ Пентагон не ўбачыў доказаў прысутнасці беларускіх войскаў ва Украіне. «Але гэта не значыць, што гэтага не можа адбыцца» – заявіў прадстаўнік абароннага ведамства ЗША.
▫ Сербская авіякампанія павялічвае колькасць рэйсаў да Масквы пасля таго, як краіны Еўразвязу закрылі паветраную прастору для самалётаў, якія належаць расейскім кампаніям і нават прыватным асобам.
▫ Deutsche Bank згортвае свой бізнес у Расеі.
▫ LINX (London Internet Exchange) пацвердзілі адключэнне ключавых правайдараў РФ ад пункту міжнароднага абмену трафікам. Цяпер трафік пойдзе праз Азію, а гэта азначае падзенне хуткасці і рост залежнасці ад Кітая.
▫ Выконваючы абавязкі кіраўніка «Энергаатама» Пётр Коцін заявіў у інтэрв'ю ўкраінскім СМІ, што на Запарожскай АЭС расейцы, якія яе часова кантралююць, сабралі персанал і паведамілі, што цяпер станцыя знаходзіцца ва ўласнасці «Расатама».
▫ Кампанія Colgate-Palmolive абмежавала імпарт у Расею.
▫ Спартыўная сацыяльная сетка Strava прыпыніла працу ў Расеі.
▫ Казахская авіякампанія Qazaq Air прыпыняе палёты ў Расею.
▫ Сёння ўначы ў самым цэнтры Чарнігава ў выніку ўдару расейскіх захопнікаў была зруйнаваная гасцініца Украіна. Фота: @u_now
Присоединяйтесь к ОК, чтобы посмотреть больше фото, видео и найти новых друзей.
Нет комментариев