🔸Па горадзе Дняпро было нанесена тры авіяўдары, а менавіта: па дзіцячым садку і шматкватэрным доме, а таксама па двухпавярховай абутковай фабрыцы з наступным падпальваннем. Папярэдне загінуў 1 чалавек.
🔸У Харкаве ў выніку абстрэлаў расейскіх вайскоўцаў быў пашкоджаны ядравы даследчы комплекс, паведамілі ў Дзяржаўнай інспекцыі ядравага рэгулявання Украіны. Як паведамляе агенцтва, устаноўка «Крыніца нейтронаў» цалкам абясточаная. На будынку ёсць паверхневыя пашкоджанні. Інфармацыя аб наступствах цялесных пашкоджанняў удакладняецца.
🔸У Луцку з-за выбухаў перасталі працаваць дзве кацельні. У Івана-Франкоўску таксама чутныя выбухі.
🔸Мэр Марыупаля Вадзім Бойчанка заявіў аб катастрафічнай сітуацыі ў горадзе – расейскія войскі абстрэльваюць жылыя масівы і не дазваляюць даставіць гуманітарную дапамогу. Паводле яго слоў, акупанты «цынічна трымаюць у палоне 400 тысяч марыўпальцаў, якія з надзеяй кожны дзень чакаюць гуманітарны калідор», сцвярджаючы, што ён нібыта ёсць.
🔸У Чарнігаве падчас начных авіяўдараў была прарваная водаправодная сетка, хутчэй за ўсё, вялікага дыяметра. З-за ўцечак спынена водазабеспячэнне гораду. Пра гэта паведамляе «Чарнігавадаканал». Жыхароў просяць паведамляць аб пашкоджанні сетак для далейшага рамонту і аднаўлення водазабеспячэння.
#Украіна2022
Присоединяйтесь к ОК, чтобы подписаться на группу и комментировать публикации.
Комментарии 1