Тэлеканал «Белсат»

«Я асуджаю прыняцце Лукашэнкі ў ШАС» Святлана Ціханоўская пракаментавала ўступленне Беларусі ў Шанхайскую арганізацыю супрацы: «Я асуджаю прыняцце Лукашэнкі ў ШАС. Гэтае сяброўства выгаднае толькі рэжыму, а не народу Беларусі. Паважаныя лідары не павінны мець зносінаў з дыктатарам, які тэрарызуе сваіх грамадзянаў. Такія дзеянні паказваюць адсутнасць прыхільнасці да дэмакратычных прынцыпаў у ШАС».

📍Тэлеканал «Дождь» паведаміў пра «цяжкую хваробу» Лукашэнкі Паводле крыніцы тэлеканалу, Лукашэнку зрабілася блага ў Астане, дзе праходзіў саміт ШАС. Іншая крыніца сцвярджае, што «Лукашэнка насамрэч вельмі цяжка хварэе і вельмі цяжка пераносіць сваю хваробу», аднак «на што ён хворы, невядома». Апошні раз інфармацыя пра хваробу Лукашэнкі з’яўлялася ў публічнай прасторы летась. 9 траўня на парадзе ў Маскве ён не змог самастойна прайсці да ўскладання вянкоў невялікую адлегласць.

🥴Атмасфера дзяржаўнага свята ў Рэчыцы Проста паглядзіце, як гэты танцор адпрацоўвае за ўсіх👇

💬Павел Латушка выказаўся ў падтрымку самастойнасці «Белсату» «Стратэгічна важным з’яўляецца захаваць самастойнасць тэлеканалу «Белсат»» Меркаванне пра тое, што «Белсат» мусіць заставацца самастойнай структурай, кіраўнік НАУ выказаў пасля заявы кіраўніка «TVP World» Міхала Бранятоўскага, што падчас рэформы на «Telewizja Polska» «Белсат» пяройдзе пад кіраванне новай структуры – Цэнтру праграм для замежжа.

🔞Прыбярыце ад экранаў дзяцей Паказваем шакавальную праўду пра буслоў у Беларусі👇

💔 У Варшаве памерла маладая беларуска. Ёй сабралі грошы на лячэнне, ад анкалогіі, але дзяўчына не даехала да лякарні 18-гадовая беларуска Лізавета Брылеўская змагалася з анкалагічным захворваннем і праходзіла лячэнне ў Варшаўскім дзіцячым цэнтры здароўя. У маі 2024 года для яе быў арганізаваны збор у 138,6 тысячаў еўра, неабходных на лячэнне ў нямецкай клініцы Шарытэ. Пасля збору сродкаў дзяўчыну павінны былі транспартаваць з Варшавы ў Берлін. Але стан Лізы пагоршыўся, і транспарціроўка стала немагчымай. Дзяўчыну пахаваюць на радзіме – у Радуні, 4 ліпеня ў 16-00.

💔 «Паліна, чацвёртае кола пекла» Паліну Шарэнду-Панасюк этапавалі ў лякарню ў «Навінках» на псіхіятрычную экспертызу. Гэта ўжо чацвёртая яе экспертыза. Пра гэта напісаў яе муж Андрэй Шарэнда: «Няма словаў. Гэта проста катаванне і здзек над жанчынай. Гэта чарговы «акт гуманізму» звар’яцелага дыктатара» ☝️ Нагадаем, што тры папярэднія экспертызы (дзве праходзілі ў «Навінках», а адна наўпрост у СІЗА) прызналі, што псіхічнае здароўе палітзняволенай знаходзіцца ў норме

◽️Праваабаронцы: 3 ліпеня на волю выйшлі як мінімум 16 палітвязняў Сярод іх 13 мужчынаў і 3 жанчыны. Для іхнай бяспекі захоўваецца інфармацыйная цішыня, таму прозвішчы не называюцца. Вядома, што сярод іх – асуджаны да 10 гадоў зняволення Рыгор Кастусёў, які мае анкалагічнае захворванне. «Вясна» паведамляе, што, паводле іхнай інфармацы,і частка палітвязняў выйшлі на волю па амністыі, а іншыя – па памілаванні. 🔺Андрэй Стрыжак паведаміў пра тэрміны, якія заставалася сядзець тым, каго вызвалілі: «5 чалавек – у межах месяца; 3 чалавека – у межах года; 5 чалавек – у межах 1.5-2 гадоў; 1 чалавек – у межах 2-3 гадоў; 1 чалавек – больш за 6 гадоў».

😕«Сардэчна запрашаем у Беларусь!» Пад час параду на 3 ліпеня абшуквалі нават самых маленькіх дзяцей.

✈️ Жанчына-пілот паспяхова здзейсніла рызыкоўную пасадку Глядзіце, што адбылося з ейным самалётам падчас палёта👇